KIFO KWA KUJIUA KILA SEKUNDE 40, WHO YASEMA

Mtu hufa kwa kujiua kila sekunde 40, kulingana na ripoti iliyotolewa na Shirika la Afya Duniani (WHO).

Imesema kujiua ni “tatizo kubwa la afya kwa umma” ambao kwa muda mrefu umekuwa jambo lisilozungumzika.

WHO limetaka kupunguza idadi ya watu wanaojiua kwa 10% ifikapo mwaka 2020, lakini limeonya kwamba nchi 28 tu ndio zenye mkakati wa taifa wa kuzuia kujiua.

Wanaharakati wamesema kunatakiwa kutolewe elimu zaidi mashuleni.

WHO limekuwa likifanya tathmini kwa miaka 10 juu ya watu kujiua duniani kote.

Limeainisha kuwa:

• Takriban watu 800,000 hujiua kila mwaka
• Ni ya pili kwa sababu za vifo vya vijana wa umri wa miaka 15 hadi 29
• Walio na umri zaidi ya miaka 70 walikuwa na uwezekano mkubwa wa kujiua  
• Robo tatu ya vifo hivyo ni katika nchi zenye uchumi wa chini na wa kati
• Katika nchi tajiri, wanaume mara tatu zaidi ya wanawake hujiua  

Ripoti hiyo imesema kupungua kwa uwezekano wa kupata silaha na kemikali zenye sumu zimeonyesha kupunguza idadi ya wanaojiua.

Na pia kuanzisha mkakati wa kitaifa wa kupunguza watu wanaojiua ulikuwa unafanya kazi vizuri, lakini umeundwa katika nchi chache.

Mwiko

Dr Margaret Chan, mkurugenzi wa WHO, alisema: “Ripoti hii ni wito wa hatua kuchukuliwa kuelezea tatizo kubwa la kiafya kwa umma, ambao umekuwa mwiko kwa muda mrefu.”

Unyanyapaa wa jamii dhidi ya magonjwa ya akili unaonekana kuzuia watu kutafuta msaada ambapo humsababishia mtu kujiua.

Jonny Benjamin, mwanaharakati wa kuelimisha masuala ya kujiua Uingereza, ameiambia BBC: “Nadhani kunatakiwa kuwa na elimu zaidi kuhusu kujiua na namna ya kuwasaidia watu wenye mawazo ya kufanya hivyo, watu wachache sana wanajua la kufanya wakimwona mtu ambaye yuko hatarini kujiua au mwenye mawazo na hisia hizo.

BURKINA FASO WAKUBALIANA SERIKALI YA MPITO

 

Vyama vya kisiasa vya Burkina Faso vimekubali kuwa hatua ya mpito ya kisiasa nchini humo idumu kwa mwaka mmoja, ikifuatiwa na uchaguzi Novemba 2015.

Lakini mazungumzo kwenye mji mkuu Ouagadougou yalimalizika bila kuwa na makubaliano ya nani atakuwa kiongozi wa serikali ya mpito.

Jeshi limekuwa likishika hatamu tangu Rais Blaise Compaore alipolazimishwa kuachia madaraka wiki iliyopita baada ya maandamano mazito.

Umoja wa Afrika (AU) siku ya Jumatatu umeipa jeshi wiki mbili kukabidhi uongozi kwa raia au wkabiliane na vikwazo.

Lt Col Isaac Zida – kiongozi wa mpito anayeungwa mkono na jeshi baadae alikubali kufuata makataa (deadline) hayo.

Alikuwa wa pili katika makamanda waliokuwa wakimlinda rais.

MELI 'HAI' ZAIDI YA MIAKA MIA 100, KIGOMA TANZANIA

    

WASHIRIKIANA KILA KITU MPAKA 'MKE'

  

Vimbwanga vya WhatsApp


Na habari nyingine duniani

VIFIJO NA VIGELEGELE: NYANI WAOANA INDIA http://bit.ly/10Tagz3

WANAWAKE 'RUKHSA' KUWAPAKA WAIGIZAJI VIPODOZI http://bit.ly/10Tamqp

SERIKALI YAKATA RUFAA KESI YA PISTORIUS http://bit.ly/1vFiXVl

VIFIJO NA VIGELEGELE : NYANI WAOANA INDIA

Zaidi wa wanakijiji 200 kaskazini mwa India wamehudhuria sherehe ya harusi ya nyani wawili.

Harusi hiyo iliandaliwa na mmiliki wa nyani hao, ambaye alisema nyani wa kiume alikuwa “kama mtoto wake wa kuasili”.

Sherehe hiyo ilifanyika siku ya Jumatatu katika wilaya ya Bettiah kwenye jimbo la Bihar, huku “biharusi” akiwa amevaa gauni la rangi ya machungwa na “bwana harusi” kavaa fulana ya njano.

Nyani huyo wa kiume mwenye umri wa miaka 13 aitwaye Ramu, na bi harusi wake, nyani wa kike akiitwa Ramdulari, walipandishwa juu ya SUV lililojazwa maua huku pakiwepo mziki.

Mamia ya wanakijiji walisema mtaani kuwashuhudia “wanandoa” hao.

Udesh Mahto, mfanyakazi wa kawaida aliye na watoto wa kiume watatu, alisema Ramu alikuwa “kama mtoto wake mkubwa”.

"Nilitaka kumwozesha yeye mwanzo,"alisema.

Bw Mahto alimleta Ramu kutoka Nepal kama miaka saba iliyopita, na baadae kumnunua Ramdulari kutoka kijiji kengine.

"Mwanzoni walikuwa hawapatani. Lakini baadae wakaanza kupendana, kwahiyo nikaamua kuwaozesha, “ alisema.

WANAWAKE 'RUKHSA' KUPAKA WAIGIZAJI VIPODOZI

Mahakama Kuu ya India imesema hatua ya kuzuia wanawake wenye fani ya kupaka watu vipodozi (make-up artist) kwa miaka 59 katika uwanda wa filamu wa nchi hiyo ni kinyume cha sheria na lazima iondolewe.

Majaji wawili wamesema ubaguzi wa kijinsia ni kukiuka sheria za katiba.

Chama kimoja cha wafanyakazi chenye ushawishi mkubwa nchini humo miaka mingi kimekuwa kikisema wanaume wanahitaji ajira.

Wanawake wanaruhusiwa kufanya kazi kama wanamitindo wa nywele katika utengenezaji wa filamu lakini yeyote atakayejaribu kumpaka muigzaji kipodozi hutishiwa au hata kudhalilishwa.

"Ubaguzi huu utaendelea vipi? Hatuwezi kukubali. Haiwezi kuruhusiwa chini ya katiba yetu. Kwanini mwanamme tu aruhusiwe kupaka watu vipodozi? Alinukuliwa akisema jaji Dipak Misra na UU Lalit katika gazeti la India Express.

“Hatuoni sababu kwanini mwanamke azuiwe kutia watu vipodozi ilimradi ana sifa zinazostahili."

KASHFA YA FEDHA MALAWI, SITHOLE AFUNGWA

Mahakama ya Malawi imemhukumu aliyekuwa mfanyakazi wa serikali, miaka tisa gerezani na kazi ngumu kutokana na ushiriki wake katika kashfa ya rushwa maarufu kama “cashgate” nchini humo.

Mhasibu msaidizi Victor Sithole ni afisa wa pili kukutwa na hatia kutokana na suala hilo.

Alikutwa na hatia kwa wizi wa zaidi ya $66,000 (£41,000).

Takriban watu 70 wamekamatwa baada ya uchunguzi wa fedha uliofanyika mwaka jana kudhihirisha kuwa takriban dola milioni 60 zilichomolewa kwenye mfuko wa serikali.

Wafanyabiashara na wanasiasa wanadaiwa kushirikiana na wafanyakazi wa serikali kulipia bidhaa na huduma ambazo hazijawahi kuonekana.

Mwandishi wa BBC alisema kukamatwa kwa Sithole Agosti mwaka jana kulianzisha kwa kile kilichokuja kuitwa “cashgate” – kashfa ya fedha mbaya kutokea katika historia ya nchi hiyo.

Ilikuja kudhihirika mwezi mmoja baada ya mkurugenzi wa bajeti wa wizara ya fedha kwa wakati huo Paul Mphwiyo kupigwa risasi.