BURKINA FASO YAMTAJA RAIS WA MPITO

Michel Kafando, hapa mwaka 2008 aliwahi kuwa Balozi wa Umoja wa Mataifa wa Burkina Faso

Viongozi wa kisiasa na wa kijeshi Burkina Faso wamemchagua aliyekuwa waziri wa mambo ya nje, Michel Kafando, kuwa rais wa serikali ya mpito.

Hatua hiyo imefuatiwa na kutiwa saini kwa azimio siku ya Jumapili wa mwaka mmoja wa mpito kuelekea kwenye uchaguzi.

Bw Kafando alikuwa mmoja wa wagombea wanne kwa nafasi hiyo, wakiwemo waandishi wa habari wawili na msomi mmoja.

Jeshi lilichukua madaraka baada ya Rais Blaise Compaore alipolazimishwa kujiuzulu tarehe 31 Oktoba wakati wa maandamano ya watu wengi.

Lt Kanali Isaac Zida, ambaye alijitangaza kiongozi wa taifa hilo la Afrika magharibi, aliahidi kukabidhi madaraka kwa serikali ya kiraia.

Makubaliano                                     

Azimio hilo la mpito litashuhudia bunge la mpito na kiongozi wa mpito mpaka uchaguzi uanadaliwe mwakani.

Bw Kafando, mwenye umri wa miaka 72, alichaguliwa na jopo maalum lililotokana na viongozi wa dini, wa kijeshi, kisiasa, kiraia na wa kimila.

Makubaliano katika mji mkuu Ouagadougou yaliendelea mpaka alfajir ya Jumatatu.

Kazi ya kwanza ya Bw Kafando itakuwa kumtaja waziri mkuu ambaye atateua wanachama 25 wa serikali.

Bw Kafando, aliyekuwa waziri wa mambo ya nje na aliwahi kuwa balozi wa Umoja wa Mataifa aliyeiwakilisha wa Burkina Faso, atazuiwa kugombea katika uchaguzi ujao.

AAMBUKIZWA HIV KWA 'MANICURE' ?

 
Kwa wanawake wengi, jambo baya linaloweza kumtokea katika saluni ya kutengenezea kucha ‘manicure’ ni labda wamechagua rangi mbaya ya rangi wakaishia kujuta, au kucha kukatwa sana.

Lakini kwa binti mmoja mwenye umri wa miaka 22 nchini Brazil, ukataji na urembaji huo wa kucha uligueka mtihani: Uamuzi wake huo huenda umemwambukiza virusi vya HIV.

Binti huyo ambaye tukio lake limeelezwa katika jarida la AIDS Research and Human Retroviruses, amekutwa hivi karibuni na ugonjwa wa ukimwi wa kiwango cha juu lakini bado haijulikana kaambukizwa vipi hasa katika mazingira yanayojulikana kawaida – hajawahi kufanya mapenzi, kuingiziwa damu au kufanyiwa upasuaji, au hata kutobolewa masikio.

Madaktari wamechanganyikiwa wasijue aliambukizwa vipi virusi vya ugonjwa huo.

Baada ya kuthibitisha madai yake hayo, madaktari wake wakazidi kuchimba ukweli, ili kutambua tukio lolote ambalo lingeweza kumwambukiza.

Njia pekee: mgonjwa huyo alikumbuka aliwahi kutumia vyombo vya kutengeneza na kupamba kucha na ndugu yake  miaka 10 iliyopita.

Ndugu yake huyo alikuwa akifanya biashara ya kutoa huduma za kutengeneza na kupamba kucha ambaye baadae aligundulika kuwa na virusi vya HIV.

Baada ya uchambuzi wa kina wanawake wote wawili, walikuwa na virusi vya aina moja, na kusababisha watafiti hao kufikia muafaka wa kwamba vyombo vya kufanyia kazi hiyo ni njia ya kueneza virusi vya HIV.

 Licha ya kuwa wengi hawatumii mkasi mmoja na mtu aliye na virusi vya HIV, wanawake wengi na baadhi ya wanaume- huenda wameshatengenezwa kucha kwenye saluni, ambapo vyombo hivyo hutumika mara kwa mara.

Nchini Marekani njia ya kusafisha vyombo hivyo hutofautiana jimbo hadi jimbo, japo maeneo mengi huosha vyombo hivyo kwa maji na sabuni, huziloweka kwenye dawa ya kuua vijidudu kwa dakika 10 hadi 30, kusuuza vyombo hivyo kwenye maji masafi na kukausha kwa kitambaa, kisha kuhifadhi kwenye sehemu safi na kuzifunika.

Chanzo: yahoo.com                         
Imetafsiriwa na Mwandishi wetu

HARAKATI ZA KISWAHILI AFRIKA MASHARIKI

Hivi sasa katika Jumuiya ya Afrika Mashariki kuna harakati za kuraghabisha maendeleo ya wananchi wa nchi za Kenya, Uganda, Tanzania, Rwanda na Burundi, lengo likiwa kuwashirikisha wananchi wa ngazi mbalimbali katika shughuli za uchumi, siasa, utamaduni, elimu, biashara na masuala ya kijamii.

Siku za nyuma, wananchi wa Jumuiya ya Afrika Mashariki, walikuwa na uhusiano na ushirikiano wa karibu. Kutokana na hali hii, ilionekana kuwa Lugha ya Kiswahili ilitiliwa mkazo kuanzia enzi za ukoloni wa Ujerumani na Uingereza. Viongozi wa ukoloni wa Uingereza, walifikia hatua ya kuanzisha Kamati ya Kiswahili ya Afrika Mashariki mwaka 1930. Vikao viliendeshwa kwa mzunguko.

Kwa mfano, kuanzia mwaka 1930 Kamati ilikuwa ikikutana Dar es Salaam, mwaka 1943 ilihamia Nairobi, 1952 Makerere (Uganda) na mwaka 1963, ilirudi Dar es Salaam. Mwaka 1964 Kamati ilikabidhi kazi zake Chuo Kikuu cha Dar es Salaam katika Chuo cha Uchunguzi wa Kiswahili na baadaye kuwa Taasisi ya Uchunguzi wa Kiswahili (TUKI) ambayo sasa Taasisi ya Taaluma za Kiswahili (TATAKI).

Jitihada za kukiimarisha Kiswahili katika Afrika Mashariki, ziliibuka tena mwaka 1994 walipokutana wakuu wa nchi za EAC, lengo lilikuwa ni kuimarisha tangamano kwa wananchi wa nchi hizo ili kuhimiza maendeleo yao.

ZINDUKA

Hili ni neno la Kiswahili na kwa mujibu wa Kamusi ya Kiswahili Sanifu ya TATAKI toleo la tatu, maana yake ni toka katika hali ya kutoelewa jambo au hali ya bumbuazi au kuzirai. Kwa Kirundi au Kinyarwanda maana yake ni kuamka kutoka katika hali ya kusinzia.

Zinduka ni wito kwa wananchi wa Afrika Mashariki, hasa viongozi kuongeza kasi, juhudi na mshikamano kwa kuzileta pamoja jamii mbalimbali.

MATEKA WA MAREKANI 'AUAWA NA IS'

 

Video iliyowekwa kwenye mtandao inadai kuonyesha wapiganaji wa kundi linalojiita Islamic Sate, IS likimwuua mfanyakazi wa shirika la kutoa msaada la Marekani aliyekuwa mateka, Abdul-Rahman Kassig.

Katika video hiyo, mpiganaji mmoja aliyejifunika sura amesimama pemebezoni mwa kichwa ambacho anasema ni cha Bw Kassig.

Marekani imesema inajaribu kuchunguza uhalali wa video hiyo, ambayo pia inaonyesha mauaji ya watu wengi wa majeshi ya Syria.

Bw Kassig, ambaye pia anajulikana kwa jina la Peter, alikamtwa mwaka jana.

Familia yake, inayoishi Marekani katika jimbo la Indiana, alisema walikuwa wanasubiri uthibitisho wa ripoti hizo za “mtoto wao mpendwa”  na hawakuwa na la ziada la kusema.

Kama kifo chake kitathibitishwa, kijana huyo mwenye umri wa miaka 26 atakuwa mateka wa tano wa kutoka nchi za  kimagharibi kuuawa na kundi la IS, ikifutaiwa na mauaji ya Waingereza Alan Henning na David Haines, na mwandishi wa habari wa Marekani James Foley na Steven Sotloff.

HUBA LISHAKOLEA, UNAFANYAJE?

 

 Vimbwanga vya WhatsApp

Na habari nyingine:

HAKUNA TENA EBOLA DRC http://bit.ly/1q4iAr3

PADRI WA UGANDA AKUTWA KABURINI MEXICO http://bit.ly/1tV5Bmk

RAIS BOUTEFLIKA ALAZWA UFARANSA http://bit.ly/1tV687P

HAKUNA TENA EBOLA DRC

 

Mlipuko wa miezi mitatu wa Ebola huko Jamhuri ya Kidemokrasia ya Congo umeisha baada ya kusababisha vifo vya watu 49, waziri wa afya wa  nchi hiyo alisema.

Felix Kabange alisema hakuna wagonjwa wapya waliosajiliwa tangu tarehe 4 Oktoba.

Mlipuko huo nchini humo hauhusiani kabisa na ule wa Afrika magharibi uliosababisha vifo vya zaidi ya watu 5,000.

Ebola kwa mara ya kwanza uligunduliwa mwaka 1976 karibu na Ebola River ambapo sasa ndio Jamhuri ya Kidemokrasia ya Congo

Tangazo hilo la Jumamosi limetolewa baada ya mtu wa mwisho kupata ugonjwa huo nchini humo siku 42 zilizopita.

PADRI WA UGANDA AKUTWA KABURINI MEXICO

Wataalamu wa uchunguzi wa kisayansi nchini Mexico wamegundua mwili wa mchungaji wa Kikatoliki kutoka Uganda, ikiwa ni  miongoni mwa mabaki ya miili iliyopatikana kwenye kaburi lenye watu wengi mwezi uliopita.

Mchungaji John Ssenyondo alikuwa hajulikani alipo tangu alipotekwa katika jimbo la Guerrero lililopo kusini-magharibi, miezi sita iliyopita.

Kaburi hilo liligunduliwa na polisi waliokuwa wakiwatafuta wanafunzi 43 ambao walitoweka eneo hilo tarehe 26 Septemba.

Tukio la kupotea au kutojulikana walipo wanafunzi hao wa ualimu lilisababisha hasira kali Mexico na kusababisha msako wa kitaifa.

Vipimo vya asidi nasaba (DNA) vilivyofanywa mapema mwezi huu vimeonyesha miili kwenye kaburi hilo lililojificha karibu na mji wa Ocotitlan – ambapo mabaki ya Mchungaji Ssenyondo yalipatikana – si ya wanafunzi hao.

Mchungaji Ssenyondo alitekwa Aprili 30 na watu wasiojulikana wenye silaha, ambao waliweka vizuizi barabarani na kumlazimisha kuingia kwenye gari lao.

Alikuwa nchini humo kwa miaka mitano. Vipimo vyake vya meno ndivyo vimesaidia kumtambua.

"Hatujui lengo lao,'' alisema Victor Aguilar, mwakilishi wa dayosisi ya Chilpancingo-Chilapa. "Unajua ukatili umeenea sana katika jimbo hili."

Chanzo: BBC
Imetafsiriwa na Mwandishi wetu