MTOTO WA ZUMA ALAUMIWA KUUA

 

Maulizo nchini Afrika kusini imegundua mtoto wa kiume wa Jacob Zuma hakuwajibika katika ajali ya gari iliyosababisha kifo cha mwanamke mmoja.

Waendesha mashtaka mwanzo waliamua kutomshtaki, lakini sasa watashinikizwa kufanya hivyo, waandishi walisema.

Gari la Duduzane Zuma aina ya Porsche liligonga gari aina ya minibus kwa nyuma mjini Johannesburg mwezi Februari, na kumwuua mwanamke huyo hapo hapo.

Rais huyo ana watoto 21 na ameoa mara sita.

Bw Duduzane , mwenye umri wa miaka 30, alijieleza kwenye kamati hiyo ya maulizo kuwa aliyumba na gari hilo baada ya kuingia kwenye mtumbwi.

Hatahivyo, hakimu mkazi Lolita Chetty alitoa uamuzi kuwa “hakuonyesha nidhamu  kulingana na hali iliyokuwepo.”

Mwezi Julai, Mamlaka ya Mashtaka ya Taifa (NPA) yalikataa kumfungulia mashtaka mfanyabiashara huyo ya mauaji bila kukusudia, yakisema hamna ushahidi wa kutosha.

Watu wengine watatu walijeruhiwa kwenye ajali hiyo.

Chanzo:BBC
Imetafsiriwa na Mwandishi wetu

KENYA YACHUNGUZA RIPOTI YA AL-JAZEERA

Kenya imetoa agizo la kuchunguza kituo cha Al-Jazeera na kukifungulia mashtaka kutokana na ripoti za kutuhumu polisi wa nchi hiyo kuendesha mauaji ya makundi.

Ripoti ilisikika kutoka kwa maafisa wanaodaiwa kupinga ugaidi, ambao walisema waliwaua washukiwa kwa kufuata maagizo ya serikali.

Serikali ya Kenya ilikataa tuhuma hizo, na kuiita ripoti hiyo “yenye kashfa na isiyo na maadili.”

Makundi ya kutetea haki za binadamu yalishaishtaki Kenya kipindi cha nyuma kwa kufanya mauaji kinyume cha sheria.


Wizara ya mambo ya ndani ya Kenya imekishtaki kituo cha Al-Jazeera kwa kujaribu “kudhoofisha” jitihada za Wakenya kupambana na wanamgambo.

‘Makala hiyo ilitengenezwa makusudi na kurushwa hewani wakati Kenya ikitafuta msaada wa kuimarisha mapambano yake dhidi ya ugaidi,” wizara ilituma ujumbe wa twitter.

Mauaji ya hali ya juu yaliwalenga Waislamu wenye msimamo mkali, wakiwemo wale wanaohusishwa na kundi la wanamgambo wa al-Shabab, kwa mujibu wa ripoti.

Pia ripoti hiyo ilituhumu kuwa mashirika ya kijasusi ya kimagharibi yalitoa baadhi ya taarifa zilizohitajika kufanya mauaji hayo.

Chanzo: taarifa.co.tz

SERIKALI RUKHSA KUKATA RUFAA KESI YA PISTORIUS

 
Jaji wa Afrika kusini ametoa uamuzi kuwa waendesha mashtaka wanaweza kukata rufaa dhidi ya kosa la kuua bila kukusudia,  "culpable homicide" ya mwanariadha Oscar Pistorius.

Mwanariadha huyo alipata hukumu ya kifungo cha miaka mitano mwezi Oktoba kwa kumpiga risasi na kumwuua mpenzi wake Reeva Steenkamp nyumbani kwake mwaka jana.

Jaji Thokozile Masipa alisema waendesha mashtaka hawawezi kuhoji urefu wa hukumu aliopewa Pistorius.

Mawakili wa Pistorius walipinga ombi la kukata rufaa.

Waendesha mashtaka wanataka ashatakiwe kwa kuua na kesi hiyo sasa itafikishwa katika Mahakama kubwa ya rufaa ya Afrika kusini.

Walisema Jaji Thokozile Masipa alitafisiri sheria tofauti alipotoa hukumu kuwa Pistorius hakumwwia Bi Steenkamp kwa kukusudia.

Jaji Masipa alitoa uamuzi huo mjini Pretoria siku ya Jumatano

Akizungumza siku ya Jumanne, mwendesha mashtaka Gerrie Nel alisema hukumu ya jaji “ni yenye kushtua na isiokubalika na haiendani na uhalifu wenyewe na mshtakiwa mwenyewe”

Waandishi wanasema rufaa hiyo inaonekana kufanyika mwakani.

                                                                                       

RIPOTI YA UTESAJI ULIOFANYWA NA CIA

Umoja wa Mataifa na mashirika ya kutetea haki za binadamu wametoa wito wa kushtakiwa kwa maafisa wa Marekani waliohusika kwa kile ripoti ya bunge la Seneta limeita mahojiano ya “kikatili” ya shirika la kijasusi la nchi hiyo CIA ya washukiwa wa al-Qaeda.

Ujumbe maalum wa Umoja wa Mataifa UN wa haki za binadamu ulisema kumekuwa na “sera ya wazi ulioandaliwa katika viwango vya juu”.

Shirika hilo la CIA limetetea matendo yake katika miaka mingi hasa baada ya mashambulio ya 9/11 yaliyotokea Marekani, likisema lilikuwa likiokoa maisha ya watu.

Rais Barack Obama alisema sasa ni muda wa kusonga mbele.

‘Mashtaka ya jinai'

Mjumbe maalum wa UN kuhusu Haki za Binadamu na Kupambana na Ugaidi Ben Emmerson alisema maafisa waandamizi kutoka utawala wa George W Bush waliopanga na kutekeleza uhalifu lazima washtakiwe, pamoja na CIA na maafisa wa serikali ya Marekani waliohusika na utesaji kama vile ‘waterboarding’.

‘Waterboarding’ ni aina ya utesaji, ambapo maji humwagiwa kwenye kitambaa ambacho mfungwa amefungwa nacho cha uso na sehemu za kupumulia, mtu huhisi kama amezama. Aina hiyo ya utesaji huweza kusababisha maumivu makali sana, huharibu mapafu, ubongo kutokana na kukosa hewa ya oksijeni.

‘Rectal rehydration’ ni kuingiza kiwango kikubwa cha kimiminika kwenye utumbo mnene kwa kutumia dripu. Ni mbinu iliyotumika sana wakati wa Vita Kuu ya Kwanza ya Dunia. (maana imetolewa motherboard.vice.com)

Mambo makuu kwenye ripoti:       

• CIA iliwapotosha wanasiasa na umma
• Takriban watu 26 miongoni mwa 119 waliotiwa kizuizini wanaojulikana wakati wa mpango huo walishikiliwa kimakosa, na wengi waliwekwa kwa miezi mingi kuliko ilivyotakiwa.
• Mbinu zilizotumika ni pamoja na kunyimwa usingizi mpaka saa 180, mara nyingi kusimama au mikao mengine yenye maumivu makali.
• Mshukiwa wa al-Qaeda wa Saudi Arabia Abu Zubaydah aliwekwa kwenye jeneza la boxi kwa saa chungu nzima.
• ‘Waterboarding’ na "rectal rehydration" iliwaumiza sana wafungwa, na kusababisha kama degdege na kutapika.  
• Kwa habari zaidi bonyeza hapa http://bbc.in/1wcbNME

'GHADHABU ZA NJUGU' ZACHELEWESHA NDEGE

Heather Cho ni binti wa mkuu wa kampuni ya Korean Air

Mkurugenzi wa shirika la ndege la Korean Air anachunguzwa kwa  madai kuwa alichelewesha safari ya ndege kutokana na namna alivyopewa njugu.

Heather Cho alitaka mfanyakazi mmoja wa ndege hiyo atolewe kwenye chombo hicho, Ijumaa iliyopita kwa kushindwa kumpa njugu zikiwa kwenye sahani.

Bi Cho, makamu wa rais wa kampuni hiyo, aliilazimisha ndege hiyo irejee ilipokuwepo mjini New York.

Kampuni hiyo ilisema kuangalia viwango vya huduma za ndege ni sehemu ya kazi ya Bi Cho, na aliungwa mkono na rubani. Lakini maafisa wanasema kwa wakati huo alikuwa ni abiria.

Vyombo vya habari nchini humo vimeripoti kuwa alisema mfanyakazi wa ndege hiyo alimpa Bi Cho njugu aina ya macadamia kwenye mfuko, badala ya kuziweka kwenye sahani.

Bi Cho, binti wa mkuu wa kampuni hiyo Cho Yang-ho, kisha akamhoji mkuu wa wafanyakazi kuhusu viwango vya huduma za ndege na kumwaamuru ashuke kwenye ndege.

Korean Air ilisema ndege hiyo ilichelewa kwa dakika 11, na uamuzi wa kumfukuza mfanyakazi huyo mwandamizi ulifanywa kwa makubaliano na rubani.

Mamlaka za usafiri zinachunguza iwapo kitendo cha Bi Cho kimekiuka sheria za usafiri wa anga.

USHAFKIRIA MZUNGU ATALITAMKAJE JINA LAKO?

        


 Vimbwanga vya WhatsApp

Na habari nyingine:

VIFO KUTOKANA NA MALARIA VYAPUNGUA KWA NUSU http://bit.ly/1z1HuZ1 

RAIS KABILA AUNDA SERIKALI YA UMOJA http://bit.ly/1D2ge1B 

MARAIS MATAJIRI WA BARA LA AFRIKA http://bit.ly/1CVJHtS