LIBERIA YAACHA KUKATA MITI IPATE MISAADA

Liberia  inatarajiwa kuwa taifa la kwanza barani Afrika kuacha kukata miti yake kabisa na kwa kufanya hivyo wapate misaada ya kuendeleza nchi yao.

Norway itailipa nchi hiyo dola milioni 150 kufikia mwaka 2020 ili kuizuia isikate miti yake.

Kumekuwa na wasiwasi kuwa mlipuko wa ugonjwa wa Ebola utashawshi ongezeko la kukata miti katika nchi iliyo na shida sana ya fedha.

Maafisa wa Norway wamethibitisha kuwepo makubaliano hayo walipozungumza na BBC katika mkutano wa hali ya hewa wa Umoja wa Mataifa mjini New York.

Misitu ya Liberia si mikubwa kama ilivyo kwenye nchi nyingine lakini ni sehemu muhimu iliyobaki ya msitu unaoleta mvua Afrika magharibi, huku takriban 43% ukiwa sehemu ya juu ya msitu wa Guinea.

Ni eneo lililo na aina mbalimbali ya wanyama dunaini, wakiwemo wanyama wa kipekee kama masokwe, tembo wa msituni na chui.

Lakini tangu vita vya wenyewe kwa wenyewe vilipomalizika mwaka 2003, ukataji miti kinyume cha sheria umevuka mipaka.

WASANII WA HIP-HOP WANAOLIPWA ZAIDI 'CASH KINGS'

Dr Dre

Msemo "count up the cash" mwanzo wa wimbo wa Dr Dre wa Get Your Money Right bila shaka yana ukweli mtupu. 

Hatua yake ya kuiuzia kampuni ya Apple viskilizio vya masikioni (headphones) Beats, mapato yake ya dola milioni 620 katika kipindi cha miaka 12 iliyopita ni makubwa kuwahi kutokea kwa msanii yoyote aliyewahi kufanyiwa tathmini na Forbes.

Jumla ya kipato chake ni zaidi ya pesa kiduchu cha $60 milioni anachopata Jay Z, ambaye aliimba pamoja naye kwenye wimbo wa Get Your Money Right, na Diddy aliyeshika nafasi ya pili.

Kanye West hakufanikiwa kuwa tano bora

Taarifa zilizojiri, kipato cha Dr Dre ni zaidi ya kipato cha wote 24 walioorodheshwa.

Drake amechukua nafasi ya nne akiwa na dola milioni 33 jambo litakalomfurahisha sana, aliwahi kuiambia Forbes "Kama sipo kwenye orodha yenu, ntasikitika sana" mwaka 2013.

Macklemore & Ryan Lewis wa Seattle wenye kuwa na kipato cha dola milioni 32 wamechukua nafasi ya tano, akifuatiwa na Kanye West aliyezalisha dola milioni 30.

Pharell Williams, aliyetamba sana na kibao cha Happy ameshika nafasi ya tisa

Utajiri wa Birdman $24m, Lil Wayne $23m na $22m za Pharrell Williams unawaweka nafasi ya juu zaidi ya Eminem anaokadiriwa kuwa na utajiri wa takriban $18m na kukamilisha orodha ya 10 bora kwenye miondoko hiyo ya Hip-Hop.

Nicki Minaj ni mwanamke pekee kwenye orodha hiyo akiwa na kipato cha takriban dola milioni 14 licha ya kuondoka American Idol na kutofanya ziara za muziki. 

Ili kuwepo kwenye orodha hiyo, Forbes huangalia kipato kinachotokana kwenye ziara/shoo, mauzo ya rekodi zao, uchapishaji, mauzo ya vifaa mbalimbali nakadhalika.

HILI SASA NDIO FUMANIZI HASA

    

Vimbwanga vya WhatsApp

REFA ANAPOTOKA 'NDUKI'

    

Vimbwanga vya WhatsApp

LUGHA GONGANA

    

Vimbwanga vya WhatsApp


MJUMBE WA MALAWI 'AMPUUZA' BW MUGABE http://bit.ly/1tUAiwH

UWANJA WA NDEGE DAR 'WASHIKA MKIA' http://bit.ly/1GhkzNm

KELELE NYINGIIIII, ONA SASA!

   


 Vimbwanga vya WhatsApp

KIFO KWA KUJIUA KILA SEKUNDE 40 http://bit.ly/1E9ofgs

NANI HASA ALIYEMWUA BIN LADEN? http://bit.ly/1sgIQsx

WILLIAMS HAKUWA AMETUMIA DAWA ZA KULEVYA http://bit.ly/113y0AH

RAIS KENYATTA ATEUA INSPEKTA MPYA WA POLISI

 

Rais wa Kenya, Uhuru Kenyatta, amemteua Joseph Kipchirchir Boinet, kuwa Inspekta Jenerali mpya wa polisi nchini humo.

Amechukua nafasi ya , David Kimaiyo, aliyejiuzulu, kufuatia mauaji ya wachimba migodi 36 Mandera, kaskazini-mashariki mwa Kenya.

Boinet alijiunga na shirika la kijasusi mwaka 1998.

Bunge linatarajiwa kuidhinisha uteuzi wake kabla ya kupitishwa rasmi.

FURAHA KUONGEZEKA DUNIANI, AFRIKA KINARA

Waliohojiwa Afrika ndio wenye furaha zaidi

Watu wenye furaha inaongezeka duniani, kulingana na utafiti wa mwisho wa mwaka wa watu  64,000 katika nchi 65.

Shirika lililofanya utafiti huo WIN/Gallup liligundua kuwa 70% ya waliohojiwa wameridhika na maisha yao – idadi iliyoongezeka kwa 10% kutoka mwaka jana.

Fiji ndilo taifa lenye furaha zaidi, huku 93% ya wakazi wakiwa na furaha na kuridhika, na Iraq ikiwa la mwisho lenye furaha kwa 31%.

Utafiti huo umeonyesha kuwa Afrika ni bara lenye furaha zaidi, huku 83% ya watu wakisema wana furaha au furaha sana.

Wakati huohuo, Ulaya ya Magharibi ilionekana eneo lenye watu wengi wasio na furaha, huku 11%  wakisema hawana furaha au hawana furaha hata kidogo.

Kwa takwimu za ulimwengu, 53% ya waliohojiwa walihisi mwaka 2015 utakuwa mzuri zaidi kuliko 2014.

Robo tatu ya waliohojiwa Afrika walikuwa na matumaini makubwa ya maisha kuimarika, ikilinganishwa na 26% ya waliopo Ulaya ya Magharibi.

Nigeria ndio nchi yenye hisia chanya kuliko zote, huku Lebanon ikiwa yenye hisia hasi kuliko zote.

MARUBANI WA AIR TANZANIA WAWAACHA ABIRIA 'MABOYA'

 

Zaidi ya abiria 100 wamekwama katika uwanja wa ndege nchini Tanzania kufuatia marubani kushindwa kuripoti kazini baada ya mapumziko ya Krismasi, maafisa walisema. 

Walitaka wawe wamesafiri Desemba 27 kutoka Dar es Salaam hadi visiwa vya Comoro na maeneo mengine.

Abiria wenye hasira walililaumu shirika la ndege linalomilikiwa na serikali ya nchi hiyo, Air Tanzania, kwa kutowahudumia uzuri.

Msemaji wa Air Tanzania alisema shirika hilo halijui kwanini marubani hao hawakuripoti kazini.

Marubani hao walipewa nafasi ya kupumzika siku ya Krismasi na siku iliyofuata na kutarajiwa kurejea kazini Jumamosi.

"Tunahisi huenda kukawa na tatizo kwasababu hili si jambo la kawaida ," alisema msemaji huyo, Lily Fungamtama.

"Tunaomba radhi kwa abiria wetu wote kutokana na hali hii na tumefanya kila liwezekanalo kuwatafutia ndege mbadala," aliongeza.

Abiria mmoja aliiambia BBC hana uhakika tena kama anaweza kuliamini shirika hilo, kwani limekuwa mara kwa mara likivunja ahadi zake ya lini ndege hiyo itaondoka.

Abiria waliokuwa wasafiri kuelekea katika miji ya Kigoma, kaskazini- magharibi mwa nchi hiyo na 
 Mtwara uliopo kusini wamekwama, pamoja na wale waliokuwa wakielekea visiwa vya Comoro.

Mwandishi wa BBC alisema abiria, wakiwemo wanawake na watoto, wamepewa malazi katika hotel ndogo ndani na maeneo mengine ya mji wa Dar es Salaam.