RISASI ZARINDIMA BURKINA FASO

Waandamanaji wakiwa kituo cha televisheni cha taifa wakitarajia upinzani kutangaza lolote

Televisheni ya taifa ya Burkina Faso imetolewa hewani, muda mchache baada ya askari kufyatua risasi kwenye makao yake makuu, na kuwalazimisha waandamanaji na waandishi wa habari kutawanyika.

Wakati huo huo kwenye mji mkuu, Ouagadougou askari waliwatawanya maelfu ya waandamanaji na kuweka vizuizi eneo hilo.

Askari walishika madaraka siku ya Ijumaa baada ya kiongozi wa muda mrefu Blaise Compaore kuachia ngazi kufuatia maandamano ya siku kadhaa.

Umoja wa Mataifa umelaani jeshi kuchukua hatamu na kutishia kuweka vikwazo.

Mjumbe wa Afrika magharibi Mohamed Ibn Chambas alisema jeshi lazima liruhusu uongozi wa kiraia.

Jeshi lilimtangaza Lt Kanali Isaac Zida kuwa kiongozi wa serikali ya mpito siku ya Jumamosi.

Maelfu ya waandamanaji walikusanyika maeneo mbalimbali mjini Ouagadougou siku ya Jumapili kulipinga jeshi.

Kiongozi wa upinzani Saran Sereme alipofika kituo cha televisheni cha taifa kabla tu risasi kufyatuliwa

Kulikuwa na tafrani wakati kiongozi wa upinzani Saran Sereme na aliyekuwa waziri wa ulinzi Kwame Lougue walipowasili kwenye makao makuu ya televisheni hiyo ya taifa.

Watu hao waliokusanyika waliamini Be Sereme alikuwa anatarajia kutangaza kuongoza serikali hiyo ya mpito, mwandishi wa BBC aliyopo Ouagadougou Laeila Adjovi aliripoti.

Taarifa zinasema Jenerali mstaafu Lougue naye alikusudia kutangaza kutaka kuongoza nchi hiyo wakati huo pia.

Hata hivyo, muda mfupi baada ya kuwasili, risasi zikaanza kurushwa hivyo wafanyakazi na waandamanaji wakaanza kukimbia.

POLISI WA KENYA 'WAUAWA TURKANA'

 

Takriban maafisa saba wa polisi wameuawa na 17 hawajulikani walipo baada ya kutokea shambulio nchini Kenya, ripoti zinasema.

Maafisa hao walivamiwa ghafla na watu wa kabila moja katika kaunti ya Turkana wakati wa shughuli za ulinzi siku ya Ijumaa.

Maafisa ambao hawajulikani walipo ni polisi wa akiba. Gazeti la Standard limesema helikopta ya jeshi imepelekwa kuwasaka.

Turkana, uliopo kaskazini mwa nchi hiyo, ni kaunti maskini kuliko zote Kenya na ni ya pili kwa ukubwa nchini humo.

Vyanzo ndani ya jeshi la polisi vimeiambia redio ya Kenya, Capital FM kuwa “bado hali ni tete” na jenerali inspekta wa polisi ameambiwa asizuru eneo hilo.

Wiki iliyopita magazeti ya Kenya yaliripoti kuwa watu watano, wakiwemo maafisa polisi, waliuawa karibu na eneo la tukio hili la Ijumaa lilipotokea.

Chanzo: BBC
Imetafsiriwa na Mwandishi wetu

MAPENZI YA MTANDAONI, NOMAAAAA

   

Vimbwanga vya WhatsApp

MAUAJI YA KUTISHA DRC

Mkusanyiko wa watu ulimpiga mawe mpaka kumwuua kijana mmoja wa kiume kaskazini-mashariki mwa Jamhuri ya Kidemokrasia ya Congo siku ya Ijumaa kabla ya kumchoma moto na kula maiti yake.

Mashahidi wanasema, ilikuwa ni kisasi baada ya kuwepo mfululizo wa mashambulio yaliyofanywa na waasi wa Uganda.

Tukio hilo lililotokea mjini Beni lilifuatiwa na uvamizi usiku katika eneo hilo huku wakilaumiwa kundi la ADF-NAUL, wanaodhaniwa kuwaua zaidi ya watu 100 mwezi huu, wakitumia mapanga.

Walioshuhudia walisema mtu huyo, ambaye hajatambuliwa mpaka sasa, alizua wasiwasi ndani ya basi baada ya abiria kugundua hakuweza kuzungumza lugha ya Kiswahili na alikuwa amebeba panga.

Akizungumza mjini Beni, Rais wa Congo Joseph Kabila alisema khatima ya wapiganaji wa ADF-NALU itakuwa kama ile iliyowakumba kundi la M23, lililomalizwa na jeshi linaloungwa mkono na Umoja wa Mataifa mwaka jana.

Chanzo: news.yahoo.com       
Imetafsiriwa na Mwandishi wetu

RAIS WA BURKINA FASO AJIUZULU

Rais wa Burkina Faso Blaise Compaore ametangaza kujiuzulu, kufuatia maandamano yenye ghasia katika jaribio lake la kuongeza uongozi wake wa miaka 27.

 Bw Compaore alitoa taarifa akisema nafasi ya rais sasa iko wazi.

Msemaji wa jeshi naye aliwaeleza waandamanaji walioshangilia sana katika mji mkuu, Ouagadougou.

Awali, waandamanaji walikasirishwa na nia yake hiyo, hivyo kuchoma moto bunge na majengo ya serikali.

Bw Compaore alisema atakabidhi madaraka baada ya serikali ya mpito kukamilisha muda wake wa miezi 12.

Katika tangazo lake la awali, Bw Compaore alitoa wito wa jeshi kutekeleza hatua za dharura za kuzingira maeneo yenye maandamano hayo.

Waandamanaji walichoma moto magara, jengo la bunge na majengo ya serikali

Hatua hiyo ilifuatiwa na mkutano wa waandishi wa habari ambapo mkuu wa jeshi Jenerali Honore Traore alitangaza “chombo cha mpito kitaundwa kwa ushirikiano wa vyama vyote”.

Ujumbe maalum wa katikbu mkuu wa Umoja wa Mataifa Ban Ki-moon wa Afrika magharibi, Mohamed Ibn Chambas, ataelekea Burkina Faso siku ya Ijumaa katika jitihada za kutuliza mgogoro huo.

Nia yake ya kugombea tena urais ulichochea maandamano kwenye mji mkuu Ouagadougou. Maandamano hayo ni ya hatari kutokea dhidi ya uongozi wa Bw Compaore.

• Alihudumu chini ya Rais Thomas Sankara kama waziri kiongozi
• Alichukua madaraka baada ya Sankara kuuawa katika mazingira ya kutatanisha na kundi la askari mwaka 1987
• Rais wa kwanza wa kuchaguliwa mwaka 1991 na 1998
• Katiba mpya ya mwaka 2000 inatoa nafasi ya mihula miwili tu madarakani, na miaka mitano kila muhula.
• Akashinda mihula mengine miwili ya ziada
• Maandamano ya kupinga jaribio la kubadili muda wa mihula hiyo ilianza mwaka mmoja uliopita, ikichochewa na gharama kubwa za maisha.

MTANGAZAJI MAARUFU TZ, BEN KIKO AFARIKI DUNIA

 
Mtangazaji maarufu wa zamani wa redio Tanzania (TBC) Ben Kiko amefariki dunia usiku wa kuamkia leo Oktoba 31 katika hospitali ya rufaa ya Muhimbili jijini Dar alikokuwa akipatiwa matibabu.

Ben Kiko ambaye jina lake kamili ni Ben Hamisi Kikoromo alihamishiwa katika hospitali ya jeshi ya Milambo, mkoani Tabora ambapo alilazwa kwa ajili ya matibabu ya figo kwa muda wa wiki mbili.

Mzee Kiko alijizolea umaarufu katika tasnia ya utangazaji wakati wa vita ya Kagera (Tanzania na Uganda-1979) kutokana na taarifa zake za kusisimua wakati wa mapigano hayo.

Mwaka 2012 mwanahabari huyo mkongwe alitunukiwa tuzo ya fanaka ya maisha (Lifetime Achievement Award) kutokana na mchango wake katika uandishi wa habari.

Kabla mauti hayajamfika Ben Kiko alikuwa akifanya kazi katika redio ya Voice of Tabora inayomilikiwa na Mbunge wa Tabora Mjini Ismail Aden Rage.

Mungu ailaze roho yake mahali pema peponi. Amin.

Chanzo: taarifa.co.tz / michuzi blog

ZAWADI YA NG'OMBE KWA BINTI KUBAKI SHULE

Ng’ombe watatolewa kwa wazazi wa kiume kaskazini mwa Kenya iwapo watahakikisha watoto wao wa kike wanabaki shuleni, gavana wa kaunti alisema.

Gavana wa kaunti ya Laikipia, Joshua Irungu, aliiambia BBC kuwa ng’ombe tisa watatolewa kwa familia zinazoishi vijijini.

Kutokana na sheria za Kenya mzazi anayeshindwa kumpeleka mtoto wake shule ana hatari ya kufungwa gerezani.

Lakini ndoa za utotoni ni jambo la kawaida katika jamii za wafugaji, ambapo mara nyingi hutegemea na mahari ya bi harusi.

Gavana huyo ana nia ya kuanzisha kituo cha kuzalisha mifugo eneo hilo ili mradi huo uweze kudumu.