RAIS BOUTEFLIKA 'ALAZWA UFARANSA'

 
Rais wa Algeria Abdelaziz Bouteflika amelazwa katika hospitali moja nchini Ufaransa, kulingana na maafisa wa Ufaransa.

Kiongozi huyo, aliyepooza mwaka jana, kwa sasa anatibiwa Grenoble, vyanzo vya polisi na serikali vimesema.

Maafisa hao hawakutoa maelezo zaidi kuhusu afya ya Bw Bouteflika.

Kiongozi huyo mwenye umri wa miaka 77 ameiongoza Algeria tangu mwaka 1999, na amekuwa akionekana hadharani kwa nadra sana tangu kuchaguliwa kwake tena kwa mara ya nne mwezi Aprili.

Bw Bouteflika alilazwa hospitalini siku ya Alhamis, kulingana na maafisa wa Ufaransa waliotaka majina yao yahifadhiwe.

'Si kweli'

Gazeti la Ufaransa la Le Dauphine Libere limesema Bw Bouteflika alilazwa kwenye wodi ya masuala ya moyo katika hospitali binafsi kwenye mji ulio kusini-mashariki mwa Ufaransa.

Gazeti hilo liliripoti kuwa ghorofa nzima aliopo yeye lililipiwa ili kuhakikisha kuna usalama wa kutosha.

Serikali ya Algeria haijasema lolote kuhusiana na taarifa hizo za kulazwa kwa rais.

Hatahivyo, mkuu wa chama tawala FLN alisema taarifa hizo “si za kweli”, shirika la habari la Reuters lilisema.

WABUNGE NA POLISI WAPURUKUSHANA BUNGENI

 

Polisi wa kuzuia ghasia Afrika kusini wamepambana na wabunge wa upinzani saa chache baada ya bunge kumfutia rais Jacob Zuma tuhuma za matumizi ya dola milioni 23 za fedha za taifa kukarabati nyumba yake binafsi huko Nkandla.

Waliingilia kati baada ya mbunge wa upinzani Ngwanamakwetle Mashabela kurudia mara kwa mara kumwita Bw Zuma mwizi.

Wabunge wanne walijeruhiwa katika tafrani hiyo iliyotokea katika kikao cha usiku.
Mwezi Machi, mchunguzi wa ufisadi nchini humo alisema Bw Zuma ‘alifaidika kupita kiasi’ kutokana na ukarabati huo.

Mwendesha mashtaka Thuli Madonsela pia alimshutumu kwa kukiuka maadili na kupendekeza alipe fedha zilizotumika kukarabati vitu visivyohusiana na masuala ya usalama huko Nkandla, kwenye jimbo la KwaZulu Natal, lililo na bwawa la kuogelea na mabanda ya mifugo.

Nyumba yake binafsi ina bwawa la kuogelea na mabanda kadhaa ya mifugo

Lakini ripoti ya kamati ya bunge – iliyopitishwa na wabunge walio wengi kutoka chama cha African National Congress (ANC) siku ya alhamis- imemsafisha Bw Zuma kuwa na kosa lolote.

Serikali nayo pia ilisema ilibidi fedha hizo kutumika kwa minajil ya usalama.
 

NANI ASEMA UZEE KIKWAZO

  

Vimbwanga vya WhatsApp

Habari nyingine:

MWANAMKE 'AFUFUKA' BAADA YA KUTANGAZWA KUFA http://bit.ly/1BmEsml

BURKINA FASO WAKUBALIANA SERIKALI YA MPITO http://bit.ly/1wwULFd

BURKINA FASO WAKUBALIANA SERIKALI YA MPITO

Utaratibu wa serikali ya mpito nchini Burkina Faso umekubalika baada ya kuwepo mazungumzo baina ya viongozi wa kisiasa, kijeshi na kiraia.

Msemaji wa mazungumzo hayo mjini Ouagadougou alisema makubaliano hayo yamekubalika bila kupingwa.

Serikali hiyo ya mpito inatarajia kurejesha nchi katika uongozi wa kiraia na kuandaa uchaguzi mwakani.

Jeshi lilichukua madaraka baada ya Rais Blaise Comapore alipolazimishwa kujiuzulu tarehe 31 Oktoba kufuatia maandamano mazito.

Lt Kanali Isaac Zida alijitangaza kuwa mkuu wa taifa hilo la Afrika magharibi tarehe 1 Novemba kufuatia Rais Compaore kukimbilia nchi jirani ya Ivory Coast baada ya kukaa madarakani kwa miaka 27.

Kulingana na azimio walilokubaliana siku ya Alhamis, rais wa mpito atachaguliwa na kundi maalum litakalohusisha viongozi wa kidini, kijeshi, kisiasa na kitamaduni.

Baada ya hapo rais atamtaja waziri mkuu atatakayeteua  wanachama 25 wa serikali.

Azimio hilo pia limetoa wito wa kuwepo wanachama 90 wa baraza la kitaifa la mpito kuhudumu kama bunge.

Lt Kanali Zida, aliyeahidi kukabidhi madaraka kwa raia, anatarajiwa kutii azimio hilo kwa siku chache zijazo, maafisa walisema.

Chanzo: BBC
Imetafsiriwa na Mwandishi wetu

MWANAMKE 'AFUFUKA' BAADA YA KUTANGAZWA KUFA

Bi Janina aliwekwa chumba cha kuhifadhia maiti kabla ya wakati wake

Mwanamke mmoja raia wa Poland mwenye umri wa miaka 91 aliyekaa chumba cha kuhifadhia maiti kwa saa 11 baada ya kutangazwa kufariki dunia amerejea kwenye familia yake, akilalamika kusikia baridi.

Maafisa walisema Janina Kolkiewicz alitangazwa kufa baada ya dakatari wa familia kumfanyia vipimo.

Hata hivyo, wafanyakazi wa chumba hicho cha kuhifadhia maiti walishtuka kuona mfuko maalum alimohifadhiwa ukitikisika. Polisi wameanza uchunguzi.

Aliporejea nyumbani, Bi Kolkiewicz alipata joto kwa kunywa bakuli la supu na mikate ya maji miwili.  

Familia yake na daktari walisema wameshtushwa na jambo hilo.

Mtoto wa kike wa ndugu wa bibi huyo, katika mji wa Ostrow Lubelski, mashariki mwa Poland alimwita daktari huyo baada ya kurudi nyumbani asubuhi moja na kumkuta shangazi yake hapumui na mapigo ya moyo yamesimama.

Baada ya kumpima bibi huyo, daktari alimwambia ameshafariki dunia na kumwandikia cheti cha kifo.

Mwili ukapelekewa chumba cha kuhifadhia maiti na maandalizi ya mazishi yalikuwa yafanyike baada ya siku mbili.

Cheti hicho sasa kimetangazwa kuwa batili, gazeti la Dziennik Wschodni limeandika.

Bi  Kolkiewicz hana habari ni kwa kiasi gani alikaribia kuzikwa hai, kwani binti yake alisema ana ugonjwa wa kusahau.

MGAMBO USO MDUCHUUU

 

Vimbwanga vya WhatsApp


Habari nyingine:

RAIA WENGI BADO KUAMUA NANI AWE RAIS TANZANIA http://bit.ly/1v5JOj2

DEWJI ATAJWA BILIONEA NAMBA MOJA TZ http://bit.ly/1EEJ2KX

DEWJI ATAJWA BILIONEA NAMBA MOJA TANZANIA

Ni mfanyabiashara kijana aliyekamata nafasi ya 24 katika orodha ya matajiri 55 wa Afrika.

Mfanyabiashara maarufu nchini, Mohammed Dewji (39), ametajwa kuwa ndiyo bilionea namba moja nchini kwa sasa, akifuatiwa na Rostam Aziz (49).

Kwa mujibu wa ripoti ya Jarida la Ventures Afrika lililotolewa jana, wafanyabiashara hao ndiyo Watanzania pekee waliongia kwenye orodha ya mabilionea 55 barani Afrika.

Dewji, ambaye pia ni mbunge wa Singida Mjini kwa tiketi ya CCM, ni mfanyabishara kijana aliyekamata nafasi ya 24 katika orodha hiyo akiwa na utajiri wa Dola 2 bilioni Marekani (Sh3 trilioni).

Nafasi hiyo inamfanya kijana huyo kutambulika kama tajiri namba moja nchini kwa sasa na siyo tena Rostam.

Katika orodha hiyo Dewji amemwacha Rostam kwa nafasi 16. Rostam anashika nafasi ya 40 akiwa na utajiri wa Dola 1.2 bilioni za Marekani.

Mwaka jana, Rostam alitajwa kuwa ndiye tajiri namba moja Tanzania. Hiyo ilikuwa kwa mujibu wa utafiti uliofanywa na jarida la Marekani la Forbes. Rostam alikamata nafasi hiyo na ya 27 katika Afrika akiwa na utajiri wa Dola 1 bilioni za Marekani (Sh1.6 trilioni).

Katika orodha hiyo, yumo pia Said Bakhresa ambaye aliwahi kutajwa siku za nyuma kuwa mmoja wa mabilionea wa Tanzania na Afrika.

RAIA WENGI TANZANIA BADO KUAMUA NANI AWE RAIS

TWAWEZA ni shirika lenye nia ya kufanya mabadiliko Afrika Mashariki.

Matokeo haya ni muhtasari uliotokana na Sauti za Wananchi, utafiti wa kwanza Afrika wenye uwakilishi wa kitaifa unaofanyika kwa njia ya simu ya mkononi maeneo yote Tanzania Bara (Zanzibar haimo kwenye matokeo haya).

Matokeo muhimu yametokana na takwimu zilizokusanywa kutoka kwa wahojiwa 1,445 mwezi Septemba 2014.
Matokeo ya utafiti kwa kifupi ni kama ifuatavyo

Mwananchi mmoja kati ya watatu (33%) Tanzania Bara hajui ni nani atayekuwa chaguo lake la Rais kwenye uchaguzi mkuu ujao. Hakuna mgombea hata mmoja anayependwa na wapiga kura kwa zaidi ya 15%. Kwa mujibu wa takwimu zilizokusanywa na Twaweza mwezi Septemba 2014, anayeongoza ni Edward Lowassa (13%) akifuatiwa na Mizengo Pinda (12%) wote wa CCM, na watatu ni Dkt. Wilbrod Slaa wa Chadema (11%). Wafuasi wa CCM walipohojiwa, robo yao (24%) walisema watampigia kura yeyote atakayeteuliwa na chama.

Ukilinganisha kukubalika kwa vyama, nusu ya Watanzania (51%) wanasema wataipigia kura CCM kwenye uchaguzi wa Rais, na robo moja ya Watanzania (23%) wataipigia kura Chadema. Walipoulizwa watafanya nini kama vyama vya upinzani vitaungana na kusimika mgombea mmoja tu, kama UKAWA ilivyoahidi kufanya, CCM bado inaongoza lakini idadi ya watakaoichagua CCM inapungua hadi chini ya nusu (47%) ya wananchi wote. Wakati huohuo, karibu wananchi watatu kati ya kumi (28%) wamesema wangempigia kura mgombea wa upinzani. Idadi kubwa ya wananchi, mmoja kati ya watano (19%) amesema hatapigia kura chama bali mgombea. Ikitokea kundi hili likaamua kumpigia kura mgombea wa upinzani, ushindani utakuwa mkali mwaka 2015.

Linapokuja suala la upenzi wa vyama, ukweli uko wazi, CCM inaendelea kuwa na wafuasi wengi zaidi kuliko vyama vingine. Wahojiwa walipoulizwa wangependa kumpigia kura mgombea wa chama gani kwenye nafasi za Rais, Mbunge au Diwani, CCM inaongoza kwa mbali. Karibu mara mbili ya idadi ya wahojiwa wanasema watawachagua wagombea wa CCM kwa nafasi hizi, ikilinganishwa na mpinzani wake Chadema. Vile vile 54% ya walioshiriki kwenye utafiti wa Sauti za Wananchi wanasema kuwa wao ni wafuasi wa CCM, wakati wahojiwa 27% walijitambulisha kuwa ni wafuasi wa Chadema.

TAMAA YA FISI

 

Vimbwanga vya WhatsApp


MWANAMKE ABURUZWA AKIWA UTUPU, INDIA http://bit.ly/1xsAoNj

KAPTENI WA KOREA KUSINI MIAKA 36 JELA http://bit.ly/1uhR49e

MSHUKIWA WA MAUAJI YA MEWIYA AACHIWA HURU http://bit.ly/1u0OYZV 

MSHTAKIWA WA MAUAJI YA MEWIYA AACHIWA HURU

Mahakama ya Afrika Kusini imefuta mashtaka ya mauaji dhidi ya mwanamme aliyehusishwa kumwuua kapteni wa soka wa taifa Senzo Meyiwa.

Zanokuhle Mbatha alikamatwa na timu maalum ya polisi mwezi uliopita baada ya msako wa kitaifa.

Hakimu aliamuru aachiwe huru kwasababu hapakuwa na ushahidi wa kutosha wa yeye kushtakiwa.

Meyiwa aliuawa kwenye tukio la ujambazi nyumbani kwa mpenzi wake kwenye kitongoji cha Vosloorus, mashariki mwa Johannesburg.

Wanaume wawili wanadaiwa kuingia nyumbani kwa Kelly Khumalo tarehe 26 Oktoba na kuwaamrisha watoe simu zao za mkononi kabla ya kumwuua Meyiwa wakati wa purukushani.