BASI LA KWANZA KUTUMIA 'KINYESI CHA BINADAMU'

 

Basi la kwanza la Uingereza linaloendeshwa kwa kutumia kinyesi cha binadamu na vyakula vibovu limeanza kazi baina ya Bristol na Bath.

Basi hilo lenye uwezo wa kuchukua watu  40 liitwalo "Bio-Bus" linatumia gesi ya  biomethane inayotokana na vyakula vibovu na maji taka pia.

Basi hilo linalozingatia masuala ya mazingira linaweza kusafiri hadi kilomita 300 katika tangi moja la gesi, linalochukua takriban kinyesi cha watu watano kuzalisha kwa mwaka.

Linaongozwa na Kampuni ya Basi ya Bath na litakuwa linasafiri kutoka uwanja wa ndege wa Bristol hadi katikati ya mji wa Bath.

Gesi hiyo ya biomethane inazalishwa katika kiwanda cha taka cha Bristol, inayoendeshwa na kampuni ya GENeco, ambayo ni tawi la Wessex Water.

Meneja wa GENeco Mohammed Saddiq alisema: "Magari yanayotumia gesi yana wajibu mkubwa wa kuimarisha hali bora ya hewa katika miji ya Uingereza lakini Bio-Bus linavuka mipaka zaidi na linapata nishati yake kutoka kwa watu wanaoishi eneo hilo, wakiwemo bila shaka wanaopanda basi hilo.”

Chanzo: BBC
Imetafsiriwa na Mwandishi wetu

KENYA YACHUNGUZA 'WAFANYAKAZI HEWA' 12,000

Serikali ya Kenya imeamuru uchunguzi ufanyike baada ya zaidi ya majina ya uongo 12,000 kuwepo kwenye hati za malipo.

Majina hayo yaligunduliwa baada ya mamlaka kuanza kusajili wafanyakazi wote wa serikali mwezi Septemba kwa njia ya elektroniki.

Tume ya kupambana na rushwa ya Kenya na kitengo cha kupambana na udanganyifu katika mabenki zimeombwa na baraza la mawaziri kuanza uchunguzi.

Kenya imewekwa nafasi ya 136 kati ya mataifa 177 na shirika la kimataifa la Transparency kutokana na rushwa

Mapema mwaka huu uchunguzi wa kifedha uligundua takriban $1m (£600,000) kwa mwezi zilikuwa zinapotea kwa "wafanyakazi hewa", pamoja na mchanganyiko mwengine wa fedha.

Serikali ya nchi hiyo ina shuku kuwa waliokuwa wafanyakazi waliendelea kupokea mishahara hata baada ya kuacha kazi.

                                      

WAANDISHI WA AL JAZEERA KUACHIWA MISRI?

Rais wa Misri amesema kuna uwezekano wa kutoa msamaha wa Rais kwa waandishi wa habari wa Al-Jazeera walioko gerezani tangu mwaka jana.

Abdel Fattah el-Sisi alisema kwenye mahojiano siku ya Alhamis, “ Tukiona kama haitoleta matatizo kwa usalama wa taifa la Misri, basi tutafanya hivyo.”

Msemaji wa Mtandao wa Habari wa Al Jazeera uliopo Doha alisema: "Mamlaka za Misri zina uwezo wa kuwaachia huru waandishi wetu wa habari. Ulimwengu unatarajia kuwa hatua hiyo itafanyika haraka, na kwa wote watatu kuachiwa huru.”

Sisi alitoa amri wiki iliyopita inayomruhusu kuwahamisha wafungwa wa kigeni, ikitoa imani kuwa waandishi hao wataachiwa huru.

Mohamed Fahmy, ambaye ni Mcanada na Mmisri, Peter Greste, raia wa Australia, na Baher Mohamed, raia wa Misri, wamefungwa Misri kwa siku 327, baada ya kutuhumiwa kimakosa na halafu kukutwa na hatia ya kuliunga mkono kundi la Muslim Brotherhood.

Waandishi hao wa habari wamekuwa wakisistiza mara kwa mara kuwa wameadhibiwa kwa kufanya kazi yao.

Chanzo: Al-Jazeera                    
Imetafsiriwa na Mwandishi wetu

HII KALI: MAMBO YA FEDHA SOMALIA

  

Vimbwanga vya WhatsApp

Habari nyingine:

'WATOTO' WARUSHIWA MABOMU YA MACHOZI http://bit.ly/1qZNBrc

'BANGI' KUZINDULIWA NA FAMILIA YA BOB MARLEY http://bit.ly/1uPgJqc

'WATOTO' WARUSHIWA MABOMU YA MACHOZI MALAWI

Peter Mutharika aliwaahidi Wamalawi maisha bora aliposhinda uchaguzi mwezi Mei

Polisi nchini Malawi wamerusha mabomu ya kutoa machozi kutawanya mamia ya wanafunzi wakiandamana kupinga kwa serikali kuchelewa kuwalipa walimu wao mishahara.

Wanafunzi hao, walio na umri kati ya sita na 12, walimimiminika katika mitaa ya mji mkuu, Blantyre.

Takriban walimu 6,500 katika shule za umma hawajalipwa tangu mwezi Mei, na takriban 1,000 wamegoma kuingia madarasani.

Wafadhili wa nchi za kimagharibi walipiga tanji misaada yenye thamani ya takriban dola milioni 150 baada ya serikali ya Malawi kukumbwa na kashfa kubwa ya ufisadi.

Utafiti wa kimahesabu uliofanyika mwaka jana uligundua kwamba takriban dola milioni 60 zilichomolewa kwenye mfuko wa serikali.

Takriban 40% ya bajeti ya Malawi hutoka kwa wafadhili.

"Tunataka rais ajue kuwa tumekasirika. Lazima awalipe walimu wetu ili turejee madarasani,” alisema mwanafunzi mmoja.

"Tunataka kuwa viongozi siku za usoni. Wasiharibu maisha yetu,” mwanafunzi mwengine alisema.

Rais Mutharika alikuwa mjini Zomba, mashariki mwa nchi hiyo akiwatuza stashahada na shahada wahitimu wa chuo kikuu.

Msemaji wa wizara ya Elimu Manfred Ndovi alithibitisha kuwa takriban walimu 6,600 hawakulipwa tangu mwezi Mei.

"Tunaangushwa na mchakato mzima kwani inahusisha ofisi za wilaya, hazina, na wizara yetu,” alieleza.

'BANGI' KUZINDULIWA NA FAMILIA YA BOB MARLEY

Familia ya marehemu wa aliyekuwa mwimbaji wa miondoko ya reggae, Bob Marley imezindua kwa kile walichoeleza toleo la kwanza duniani la bangi (Cannabis).

Itaitwa Marley Natural na itatumika kuuza mafuta ya kujipaka mwilini yaliyo na bangi na vipodozi vengine.

Bidhaa hiyo inatengenezwa na Privateer Holdings iliyopo katika jimbo la Washington, ikithamini maisha na urithi wa bidhaa muhimu ya Jamaica.

Inatarajiwa kuuzwa Marekani na ikiwezekana duniani kote kuanzia mwakani.

Binti yake Bob Marley, Cedella Marley, alisema baba yake angefurahi sana kwa hatua hiyo.

“Baba yangu angefurahi sana kuona watu wakielewa nguvu ya kuponya ya majani haya,” alisema.

Mkurugenzi mkuu wa Privateer Brendan Kennedy alisema Marley alikuwa mtu , ambaye kwa namna nyingi, alisaidia kuanzisha harakati za kuzuia kupigwa marufuku kwa bangi miaka 50 iliyopita.

Bob Marley alikufa kwa saratani Mei 1981. Alitumia bangi kama kiungo muhimu cha imani za Kirasta.

Utumiaji wa bangi (Cannabis) kwa ajili ya kujifurahisha ni halali Marekani katika jimbo la Colorado na Washington.

Majimbo mengine huenda yakafuata mkondo huo na mengine yanaruhusu uuzaji wa marijuana kwa ajili ya matibabu.




Chanzo: BBC
Imetafsiriwa na Mwandishi wetu
        

MAJURA: AZALIWA BARA NA KUFA ZANZIBAR

Idrisa Abdallah Majura

Siku ya leo, yaani tarehe 19.11. ni siku maalumu na ya kumbukumbu ulimwenguni kote kwa wapenda amani na maendeleo ya jamii, wapigania amani na haki za binadamu.

Ni siku ambayo alizaliwa mwanazuoni Idrissa Abdallah Majura, tarehe 19.11.1938 katika kijiji cha Gera, Mkoani Kagera nchini Tanzania. Ndugu Majura alikuwa miongoni mwa wanafunzi wachache toka Tanganyika wakati huo waliobahatika kupata scholarship ya kwenda masomoni huko Zanzibar.

Baada ya kufuzu masomo yake alitunukiwa shahada ya Elimu na kuwa mwalimu katika shule na vyuo mbalimbali Kisiwani Unguja. Mbali na uwanja wa Elimu Idrissa Majura alikuwa mwana michezo hodari aliyeichezea timu ya Taifa ya Zanzibar akiwa golikeeper mashuhuri wakati huo. Pia alikuwa mwanariadha hodari sana ambaye rekodi zake hazijavunjwa hadi leo!

Idrissa Majura alikuwa mpenzi wa watu wengi huko Kisiwani Unguja. Ingawa hakujihusisha na mambo ya kisiasa, kama wananchi wengine wa Zanzibar aliyaunga mkono mapinduzi yaliyomungòa Sulatani na kuleta uhuru kwa wananchi wote Visiwani. Watu wengi huko Unguja na Pemba walimpenda sana na alifahamiana na watu wa chini na wakuu pia. Ingawa aliishi muda mrefu huko Zanzibar, hakusahau nyumbani kwao huko Bukoba. 

Kila mara alikuwa akija likizo kuwaona wazazi wake, jamaa na ndugu zake. Alitoa misaada mingi kwa kuwasomesha wanafunzi wengi wa Mkoa wa Kagera na Tanzania kwa ujumla. Mnamo mwaka 1969 aliamua kufuta kazi na kurejea nyumbani ili awe karibu na wazazi wake waliokuwa wameanza kuzeeka. Ndipo balaa lilipomkuta muda mfupi baada ya kurejea nyumbani, akakamatwa kwa visingizio kuwa alishiriki kwenye njama za kutaka kuiangusha serikali ya Mapinduzi ya Abedi Amani Karume. 

Kwa sababu ambazo hazieleweki, Serikali ya Muungano ilikubali arejeshwe Zanzibar, ingawa ilijua wazi kuwa kufanya hivyo ilikuwa ni kumweka kitanzi, kama Wazanzibari wengine walivyouawa kwa ukatili wakati huo. Ni wazi kabisa kuwa Idrissa Majura hakuwa mwanasiasa na wala hakujihusisha na madai ya uongo yaliyotolewa kuwa alitaka kuipindua serikali ya mapinduzi. 

Wakati huo wa kutisha huko Visiwani, kila aliyekuwa na Elimu au kutoa kauli yoyote ya kumpinga Karume, hatima yake ilikuwa ni kukiona cha mtema kuni – yaani kifo au kifungo cha maisha. Mpaka leo haijulikani mwanazuoni huyo aliuawa vipi ? na kuzikwa wapi ? kwani hakufikishwa mahakamani ili ajitetee na kuhukumiwa. Vyombo vingi vya kimataifa vimeanza kuulizia suala hili na tuna imani siku itafika ambapo ukweli utajulikana.

Mola aiweke roho yake mahali Pema Peponi - Amin

Chanzo: wavuti.com

USICHEZE NA ALOKULA CHUMVI NYINGI

     

Vimbwanga vya WhatsApp

Habari nyingine:

MUUAJI WA MAREKANI ARUHUSIWA 'KUOA' http://bit.ly/1EYed43

MAANDAMANO KUPINGA KUVULIWA NGUO KENYA http://bit.ly/1t3NcDW