MFANYAKAZI WA NDANI AKIRI KUMBAMIZA MTOTO, UGANDA

Mfanyakazi wa ndani nchini Uganda ambaye video yake ilipatikana kwa siri akimbamiza na kumpiga mateke mtoto mdogo amekubali kosa la kumdhalilisha mtoto.

Jolly Tumuhirwe, mwenye umri wa miaka 22, alishtakiwa mahakamani kwa kumtesa mtoto wa kike wa miezi 18.

Video ikionyesha utesaji wa mtoto huo ulizua tafrani kubwa iliposambazwa kwenye mitandao ya kijamii.

Baba yake mtoto huyo, Eric Kamanzi, aliweka kamera baada ya kugundua mtoto wake akiwa na majeraha na anaburuza mguu.

Mwendesha mashtaka wa serikali Joyce Tushabe aliiambia mahakama kuwa mfanyakazi huyo “anajutia” na kuomba msamaha.

Video hiyo iliyochukuliwa na kamera iliyokuwa imefichwa pembezoni mwa ukumbi, inamwonyesha Tumuhirwe akimpiga mtoto huyo alipokataa kula kisha akamtupa chini kwenye sakafu, huku akimpiga na tochi kabla ya kumkanyaga na kumpiga mateke.

Baada ya kunasa ukatili huyo, baba wa mtoto huyo aliripoti tukio hilo kwa polisi Novemba 13.

Tumuhirwe, ambaye hakuwa na wakili mahakamani, sasa anakabiliwa na miaka 15 jela kwa uhalifu huo.

Wakili wa serikali ameomba kesi hiyo iahirishwe siku ya Jumatatu ili aweze kukusanya ushahidi zaidi.

Hukumu ya Tumuhirwe itatolewa Desemba 10.      

Chanzo: BBC
Imetafsiriwa na mwandishi wetu               

IDRIS ASHINDA BIG BROTHER AFRIKA 2014

 

Idris Sultan mwenyeji wa Arusha, Tanzania mwenye umri wa miaka 21 anajieleza kama hodari, mcheshi, mchangamfu na mbunifu  ameibuka kidedea katika shindano la Big Brother Afrika 2014.

Anapenda miondoko mbalimbali ya muziki, na wasanii wanaomvutia zaidi ni Chris Brown, Michael Jackson, Usher, Ed Sheeran, Sam Smith, Lana Del Ray na Nina Simone.

Idris anasema hana mtu mmoja tu anayemvutia ‘role model’  badala yake huvutiwa na mtu mmoja mmoja kwa kila jambo, huku akiongeza kuwa mama yake amechangia pakubwa katika maisha yake.

Idris anaondoka na kitita cha dola za Kimarekani elfu 300.

Mwaka 2001 Mtanzania mwengine Richard Dyle Bezuidenhout alishinda shindano hilo, hivyo kumfanya Idris kuwa Mtanzania wa pili kunyakua taji hilo tangu mashindano hayo kuanza.

MARAIS MATAJIRI WA BARA LA AFRIKA 2014

   

Afrika ni bara la pili kwa ukubwa duniani. Pia ni bara la pili lenye watu wengi sana na linachukuliwa kuwa bara maskini mno.

Kuna mataifa 47 ya Afrika yanayoongozwa na viongozi walioongoza kwa zaidi ya muongo mmoja.

Baadhi ya viongozi hawa na familia zao ni matajiri sana na mali zao zinaonekana kupatikana isivyo halali. Wanapata mali zao kutoka maliasili za mataifa hayo.

Marais na Wafalme 8 matajiri wa Afrika wa mwaka 2014. Bonyeza hapa: http://bit.ly/1BqRbn9

RAIS MUGABE NA MKEWE WOTE WATAMBA, ZIMBABWE

 

Rais wa Zimbabwe Robert Mugabe amechaguliwa tena kuwa kiongozi wa chama hicho, wakati mke wake Grace amepewa nafasi ya juu katika chama hicho.

Kupandishwa cheo kwa Grace Mugabe kuongoza jumuiya ya wanawake wa chama cha Zanu-PF inamweka katika nafasi nzuri ya kumrithi mumewe siku za usoni, wachambuzi wanasema.

Mke huyo wa Mugabe amewakosoa wapinzani wa kisiasa, akiwemo makamu wa Rais Joyce Mujuru, katika miezi ya hivi karibuni.

Bw Mugabe, mwenye umri wa miaka 90, anatarajiwa kugombea nafasi hiyo katika uchaguzi tena mwaka 2018.

Akizungumza katika mkutano wa Zanu-PF, Bw Mugabe aliwashukuru maelfu ya wafuasi wake kwa kumchagua kuwa kiongozi wa chama hicho.

"Najua nilipotoka... mimi sipo juu ya watu walionizaa,” Bw Mugabe aliyeiongoza Zimbabwe tangu mwaka 1980, alisema.

ZARI 'THE BOSS LADY' ANAVYOWIKA TANZANIA

 
Wengi tunamfahamu kama Zari The bossy lady lakini jina lake halisi ni Zarinah Hassan mwanamuziki wa Uganda ambaye ameweka makazi yake nchini Afrika Kusini.

Licha ya kuwa kwenye tasnia ya burudani kwa muda mrefu, lakini umaarufu wake umeongezeka maradufu tangu alipoanza kuwa karibu na mwanamuziki Diamond Platinumz.

Ukaribu baina ya nyota hao umezua maswali mengi hasa baada ya kuzagaa kwa picha zao zinazowaonyesha wakiwa kwenye mapozi yenye utata.

Pamoja na kuwa wenyewe wamekanusha kuwa na uhusiano wa kimapenzi na kudai kuwa kuna kazi ya sanaa wanaifanya pamoja lakini vyombo vya habari vimekuwa vikiwamulika.

Kana kwamba hiyo haitoshi, siku za hivi karibuni mrembo huyu wa Uganda ameonyesha kuzidi kuwa karibu na Diamond katika shughuli mbalimbali ikiwemo kwenye hafla ya utoaji tuzo za muziki za Channel O zilizofanyika nchini Afika Kusini.

TOTO TUNDU - KANSIIME

    
Vimbwanga vya WhatsApp

Na habari nyingine:

RAIS WA KENYATTA AFUTIWA MASHTAKA NA ICC http://bit.ly/1tYWC3W 

RAIS KENYATTA WA KENYA AFUTIWA MASHTAKA NA ICC

Waendesha mashtaka wa Mahakama ya Kimataifa ya uhalifu wa kivita ICC mjini the Hague wamefuta mashataka ya uhalifu dhidi ya binadamu yaliyokuwa yakimkabili Rais Uhuru Kenyatta.

Akishtakiwa kwa kuhusishwa na ghasia za baada ya uchaguzi mwaka 2007/2008 ambapo watu 1,200 walifariki dunia.

Bi Kenyatta, aliyekana mashtaka hayo, alisema alihisi “amefutiwa lawama.”

Ofisi ya waendesha mashtaka ilisema serikali ya Kenya ilikataa kukabidhi ushahidi ulio muhimu katika kesi hiyo.

Bw Kenyatta aliandika kwenye mtandao wa kijamii wa Twitter kuwa alikuwa na “furaha” kufuatia kufutwa kwa mashtaka hayo.

Rais Uhuru Kenyatta na naibu wake William Ruto

 "Nafsi yangu iko safi kabisa," alisema, akiongeza ujumbe mwengine kuwa kesi yake “iliharakizwa kupelekwa huko bila uchunguzi wa kutosha”.

Waziri wa mambo ya nje wa Kenya Amina Mohamed alisema serikali yake itaendelea kushughulikia kesi nyingine mbili kama hizo zifutwe moja ikimhusu Naibu Rais William Ruto.

KUTOA NI MOYO USAMBE NI UTAJIRI

  

      Vimbwanga vya WhatsApp

Na habari nyingine:

RAIS MUGABE AHAMAKI JUU YA 'JARIBIO LA KUMWUUA' http://bit.ly/1pZf3Kg

'MARUFUKU' KUTUMIA JINA SAWA NA LA RAIS http://bit.ly/1yhskMe

RAIS MUGABE AHAMAKI JUU YA 'JARIBIO LA KUMWUUA'

Rais wa Zimbabwe amezungumzia hasira zake juu ya naibu wake walio kwenye mzozo Joyce Mujuru kwa madai ya kula njama ya kumwuua kiongozi huyo na kumtuhumu kuwa mwizi.

Akizungumza katika mkutano wa chama tawala cha Zanu-PF, Robert Mugabe alisema atawashughulikia maafisa wote mafisadi.

Kutokuwepo Bi Mujuru kwenye mkutano huo kunaashiria kuwa “anaogopa” alisema Bw Mugabe.

Siku za hivi karibuni mwanachama wa Zanu-PF aliyefurumushwa Rugare Gumbo aliiambia  BBC kiongozi huyo mwenye umri wa miaka 90 amebadilisha “kabisa” chama hicho kuwa “mali yake binafsi”.

Bw Mugabe alimlenga Bi Mujuru ili ‘kumpembejea’ mke wake Grace, aliyekuwa msemaji wa Zanu-PF aliongeza.

Bi Mujuru, ambaye hivi karibuni alikana madai hayo, alikuwa ana nafasi kubwa ya kumrithi Bw Mugabe, ambaye alikuwa naye sambamba wakati wa kupigania uhuru wa Zimbabwe kutoka kwa wazungu walio wachache.

Hatahivyo, ndoto zake zilianza kuyumba baada ya Bi Mugabe kuingia kwenye siasa mwaka huu, na kumshutumu kwa kupanga jaribio la kumwuua mumewe.

Mkutano huo, unaofanyika mjini Harare, unatarajiwa kumchagua mke huyo wa rais kuwa kiongozi wa umoja wa wanawake wa Zanu-PF.