BOLIVIA YAPAMBANA NA 'MAAFISA WANENE'

Majeshi ya usalama ya Bolivia yameanza kusajili wenye uzito mkubwa baada ya Rais Evo Morales kulalamika kuwa wengi wao hawana mwonekano mzuri.

Maafisa wa usalama wamesema wataanza kupima uzito kwanza kabla ya kufanyiwa mitihani  ya kitaaluma, ili kuimarisha afya na namna ya kupandisha vyeo.

Waziri wa Ulinzi Ruben Saavedra alisema wanajeshi "lazima wajiandae kwa viwango vyote viwili afya na taaluma".

Polisi imewakataza wanachama wenye uzito mkubwa kuvaa sare za jeshi mpaka wapungue.

Hatua hiyo tayari huenda imeonekana kuzaa matunda.

Mjini Oruro kusini mwa La Paz, polisi waliokuwa wakipiga doria na nguo za nyumbani walifanikiwa kukamata wezi kwenye soko moja, infahamika ni kwasababu hawajavaa sare zao.

WATANZANIA CHINA WAUNDA UMOJA WAO

Wadau wakipozi kwa picha

Mdau Geofrey au Mzee wa Shekeli, Charles na Elvis wakisakata rumba kusherehekea uzinduzi wa Natasa

Viongozi wa NATASA. Kutoka kushoto katibu mkuu Halima Guga, Mwenyekiti Given Massawe, Mratibu wa Elimu Abdulkarim Baksh

Wanafunzi wa Kitanzania wanaosoma kwenye mjii wa Nanchang nchini China wameanzisha umoja wao na jana Jumamosi wameuzindua rasmi umoja huo wenye lengo la kuwasaidia kwa mambo mbalimbali wakiwa kwenye nchi ya kigeni.
 
Jumla ya wanafunzi 54 wa Kitanzania wapo kwenye mjii huo wakiwa wanasoma kwenye vyuo mbalimbali na walikuwa hawana kitu chochote kinachowaweka karibu kama Watanzania na ndio maana wakaanzisha umoja huo.
 
Umoja huo unaojulikana kwa jina la Nanchang, Tanzanian Students Association (NATASA) ulizinduliwa ramsi na mwenyekiti wake Given Massawe ambae alisema kuanzishwa kwa umoja huo lilikuwa ni wazo la muda mrefu na hatimae hivi sasa ndoto imetimia.
 
Massawe alifafanua kuwa kwenye mijii mbalimbali mingine ya nchini China ambako kuna wanafunzi wa Kitanzania nao wanajumuia zao ambazo zinawasaidia hivyo kwa wanafunzi wa Nanchang kuwa na umoja huo ni sehemu ya kufungua milango kwao.
 
Mwenyekiti huyo amesema hivi sasa wapo kwenye harakati ya kutengeneza katiba yao ambayo ndio itakuwa dira ya uongozi wao na pia kuzinduliwa kwa chama hicho ni msaada tosha kwa wanafunzi hao wa Kitanzania kuanzia kwenye masomo hadi maisha ya kila siku.
 
Uzinduzi wa umoja huo ulienda sambamba za sherehe za miaka 53 ya Uhuru wa Tanzania bara na hiyo ilikuwa ni mara ya kwanza kwa wanafunzi wa Nanchang kusherekea siku yao ya Uhuru wakiwa pamoja.
 
Taarifa kutoka Mo van der Mhando
Nanchang, China. 

Kwa picha zaidi bonyeza hapo

TAALUMA 10 ZINAZOONGOZA KUNYWA KAHAWA

Kikombe cha kahawa asubuhi ni kinywaji ambacho wengi wetu huanza nacho.

Kama unahisi bila hiyo huwezi kuanza siku yako vizuri, basi ujue si peke yako.

Miongoni mwa wanataaluma 10,000 walioshiriki kwenye utafiti ulioafanywa na Pressat, asilimia 85 walisema wanakunywa takriban vikombe vitatu vya kahawa kwa siku.

Na takriban asilimia 70 walikiri kuwa ufanyaji wao wa kazi utaathirika bila kupata kikombe cha kahawa.

Inaonekana kunywa kahawa ni jambo la lazima kazini kwa wataalamu wengi. Wanaokunywa zaidi, hadi vikombe vinne kwa siku, ni wenye kazi zenye mikiki zaidi ‘stress’: waandishi wa habari ndio wanaokunywa kahawa, wakifuatiwa na maafisa polisi na walimu.

Utafiti wa hivi karibuni uliofanywa na Chuo Kikuu cha South Carolina kimegundua kuwa   mtu asizidishe milligram 200 za caffeine kwa siku, ambazo ni sawa na vikombe vinne vya kahawa.

Kunywa kahawa kwa wingi ili tu kuweza kupambana na tafrani na uchovu wa kazi unaweza kusababisha hatari kwa afya yako, kuanzia kupooza na wasiwasi, na hadi kupata matatizo ya moyo, japo utafiti huo umeonyesha asilimia 62 ya wafanyakazi hawakujua athari za kiafya zinazowakabili.

Kwa wastani utafiti huo umeonyesha kuwa wanaume wanakunywa kahawa zaidi kuliko wanawake lakini zaidi kidogo kwa asilimia 5.

Zifuatazo ni taaluma kumi zinazokunywa sana kahawa, kulingana na utafiti:

• Waandishi wa habari na wafanyakazi wa vyombo vya habari
• Maafisa wa polisi
• Walimu
• Mafundi bomba
• Wauguzi na wafanyakazi wa afya
• Wakurugenzi wa kampuni
• Wauzaji bidhaa kwa njia ya simu
• Watoa huduma za IT
• Wafanyakazi wa maduka ya rejareja
• Madereva  

 Chanzo: pressat.co.uk
Imetafsiriwa na Mwandishi wetu

AFRIKA KWA NAMNA YA KIPEKEE

Utoaji wa habari kwa namna ya kipekee na kwa ucheshi     

Vimbwanga vya WhatsApp

Na habari nyingine:

YAYA WA UGANDA AKUTWA NA HATIA http://bit.ly/1smoRQc 

MUME 'NJE' KISA, MSHAHARA WA MKE HAUTOSHI http://bit.ly/1wMlBz0 

MUME 'NJE' KISA, MSHAHARA WA MKE HAUTOSHI

Mwanamme mmoja huenda akafukuzwa kutoka Uingereza baada ya jaji mmoja kutoa uamuzi kuwa mshahara wa mke wake aliye Mwingereza hautoshi.

Michael Engel, kutoka Afrika kusini, alisema sheria za mfumo mzima wa uhamiaji “wa ajabu” ulikuwa “ukiwashambulia raia wa Uingereza”.

Bw Engel, mhandisi wa boti mwenye umri wa miaka 31 anayeishi Cornwall, alisema yeye na mkewe Natalie wana mpango wa kurudi Afrika kusini na mtoto wao wa kike aitwaye Nyana mwenye umri wa miezi 18 .

Msemaji wa wizara ya mambo ya ndani wa Uingereza alisema sheria hizo zimeundwa kuzuia wanandoa wa kigeni kutegemea pesa za walipa kodi wa nchi hiyo.

'Nimeshtushwa mno'

Wanandoa hao waliambiwa kuhusu uamuzi huo wa uhamiaji baada ya kukata rufaa kwa misingi ya haki za binadamu kwa nia ya kulinda familia yao.

 Lakini kwa sheria zilizoanzishwa mwaka 2012, raia wa Uingereza wanaotaka kuleta mwenza kutoka nchi za kigeni lazima wawe na mshahara wa £18,600 kwa mwaka na nyingine £3,800 – jumla £22,400 – iwapo wenza hao wana mtoto.

Biashara ya uchongaji ya Bi Engel's ilizalisha £19,786 mwaka 2014 ambapo jopo la waamuzi waliamua kuwa kiwango hicho hakitoshi.

Natalie alisema: "Nimeshtushwa mno, nimeishiwa la kusema, nina hasira. Sioni fahari kuwa Mwingereza kwa sasa."

Wenza hao wana siku 14 kukata rufaa kuhusu uamuzi huo.       

YAYA WA UGANDA AKUTWA NA HATIA

Mfanyakazi wa ndani nchini Uganda ambaye alirekodiwa kwa siri hivi karibuni akimpiga mtoto mdogo wa kike amekutwa na hatia ya kumnyanyasa binti huyo.

Jolly Tumuhirwe, mwenye umri wa miaka 22, ameiambia mahakama kuwa kilichomchochea kumpiga mtoto huyo wa miezi 18 ni kufuatia mama wa mtoto huyo kumpiga- jambo ambalo mama wa mtoto huyo amelikataa.

Video ya unyanyasaji huo ulisababisha hasira kali miongoni mwa wengi ilipowekwa kwenye mitandao ya kijamii.

Awali mashtaka ya utesaji yalifutwa baada ya waendesha mashtaka kusema si rahisi kuthibitisha hilo.

Tumuhirwe sasa anakabiliwa na mpaka kifungo cha miaka mitano gerezani kwa kumnyanyasa mtoto huyo na kumsababishia maumivu mwilini.

Hukumu yake inatarajiwa kutolewa siku ya Jumatatu.        

MPAKISTAN ALIYEVUSHA WANYAMA HAI TZ ASAKWA

 

SHIRIKA la Polisi la Kimataifa (Interpol) sasa limemtaja rasmi raia wa Pakistani, Ahmed Kamran (32), aliyehusika na usafirishaji wa wanyama hai kama twiga hapa nchini, kama mmoja wa wahalifu wanaotafutwa zaidi duniani, Raia Mwema limebaini.

Mhalifu huyu alitoroka nchini mwaka 2011 wakati akiwa nje kwa dhamana na gazeti hili limebaini kwamba mtandao wa ujangili uliopo ndani ya vyombo mbalimbali vya serikali ndio uliomtorosha ili asitoe siri zake.

Ripoti ya mwezi uliopita ya Interpol ambayo gazeti hili limefanikiwa kuiona, imeeleza kwamba Kamrani anatafutwa kwa udi na uvumba na inahisiwa anaweza kuwa katika mojawapo ya nchi za Kenya, Pakistani au Qatar.

Ripoti hiyo imemnukuu mmoja wa maofisa wa ngazi za juu wa Interpol wanaohusika na ufuatiliaji wa wahalifu waliotoroka, Ioannis Kokkinis, akisema tatizo kubwa wanalolipata ni kuwa hakuna picha inayofahamika ya Kamrani.

“Katika mambo haya ya ukamataji wa wahalifu, taarifa ambayo inaelezea kitu kidogo sana inaweza kuibuka kuwa muhimu na kufunua kesi nzima. Kwa mfano, hatuna picha ya Kamrani na kama tukiipata, unaweza kukuta wakaibuka watu wachache wanaomfahamu na mara moja tukampata. Tunaomba msaada kwa yeyote aliyewahi kumuona mhalifu huyu atupe picha yake,” alisema.

Taarifa hizi mpya zinazidi kuleta mshangao kuhusu raia huyu kwa vile aliwahi kufikishwa mahakamani hapa Tanzania na si rahisi kwamba Jeshi la Polisi halikuwahi kuweka kumbukumbu za picha zake.

PESA: BARAFU YA MOYO

   

Vimbwanga vya WhatsApp

Na habari nyingine:

PHARRELL WILLIAMS AZOA TUZO ZA MUZIKI ZA BBC http://bit.ly/1yFVkxu 

CHINA YACHUNGUZA MAHARUSI 'WALIOTOWEKA' http://bit.ly/1sin5Q7  

MTOTO WA ZUMA ALAUMIWA KUUA http://bit.ly/13frpnT 

PHARRELL WILLIAMS AZOA TUZO ZA MUZIKI ZA BBC

Pharrell Williams amekuwa king’ara katika tuzo za kwanza za kipekee za muziki za BBC.

Mtayarishaji na mwandishi wa muziki huyo kutoka Marekani alitajwa kuwa msanii bora wa kimataifa na kushinda nyimbo bora ya mwaka kwa kibao chake cha Happy.

Ed Sheeran alitajwa kuwa msanii bora wa mwaka wa Uingereza, na pia aliimba wimbo wake bomba kabisa uliotengenezwa na Pharerell, uitwao Sing, akitumia tu gitaa lake.

Shughuli hiyo pia ilishuhudia wasanii One Direction, Take That na Coldplay wakiimba jukwaani.

Pharrell alishindwa kuhudhuria tuzo hizo, kwani alikuwa akirekodi onyesho la vipaji la Marekani liitwalo The Voice.

Aliunganishwa na sherehe hizo kwa njia ya satelaiti, na kuelezea mafanikio ya kibao hicho cha Happy kuwa ni cha “ajabu” na “si jambo analoweza kuelezea yeye mwenyewe”.