BOBBI KRISTINA 'KUFA' SIKU MOJA NA WHITNEY

Familia ya Bobbi Kristina Brown watachomoa mashine yake ya kupumulia siku ya Jumatano ili Brown aweze kufa siku ileile aliyokufa mama yake Whitney Houston, gazeti la New York Post limeripoti.

Bibi yake Brown na mama yake Whitney, Cissy Houston, alipendekeza wazo hilo mwishoni mwa juma, kulingana na the Post.

Familia inapanga kuchomoa mashine ya Brown ya kupumulia usiku wa Jumanne kuingia Jumatano.

Brown, mwenye umri wa miaka 21, amepooza tangu alipokutwa kwenye bafu nyumbani kwake huko Georgia, Januari 31.

Polisi wanafanya uchunguzi, wakimfutailia zaidi mpenzi wake Nick Gordon, aliyemkuta kwenye bafu hilo.

Inaripotiwa Brown alikuwa na majeraha usoni alipokutwa.

Whitney Houston alifariki dunia Februari 11, 2012, baada ya kuzama kwenye bafu lililojaa maji na baadae mwili wake ukikutwa na dawa za kulevya.

Familia yake na marafiki, akiwemo baba yake Bobbi Kristina, Bobby Brown, wameandaa sala ikiambatana na mishumaa siku ya Jumatatu huko Riverdale.

WALIOBADILISHIWA WAZAZI UTOTONI WALIPWA

 

Wanawake wawili waliobadilishiwa watoto miaka 20 iliyopita wote wawili watapewa euro 400,000 euros ($451,760) kutokana na kosa hilo, kulingana na uamuzi wa mahakama moja kusini mwa Ufaransa.

Mahakama hiyo mjini Grasse nayo pia ilitoa amri kuwa zahanati hiyo binafsi iliyohusika na kuwachanganya watoto hao kulipa euro 300,000 kwa kila mmoja kwa wazazi watatu waliohusika, pamoja na euro 60,000 kwa kila kaka na dada walioathirika.

Mmoja miongoni mwa mama hao wawili aligundua kuwa mtoto wake si halisi baada ya kupima asidi nasaba mwaka 2004, miaka 10 baada ya binti huyo kuzaliwa.

Mabinti wote wawili walikuwa wakiumwa homa ya manjano walipozaliwa na kuwekwa kwewnye chombo kimoja cha kuhifadhi mtoto mjini Cannes.

Muuguzi aliwabidilisha watoto hao wakati wa kuwakabidhi mama zao. Wanawake hao walielezea wasiwasi wa kupewa watoto wasio wao wakati huo, lakini waliambiwa hakuna kosa lolote.

Chanzo: Reuters
Imetafsiriwa na mwandishi wetu

KANYE WEST ASEMA GRAMMYS 'HAZIHESHIMU SANAA'

Kanye West ameshutumu tuzo za Grammys kwa "kutoheshimu sanaa" baada ya kumpa ushindi Beck wa albamu bora ya mwaka badala ya Beyonce.

Alikuwa almanusra kuvamia jukwaa wakati Beck alipokuwa akitoa hotuba yake ya shukran.

Ilionekana kama West alikuwa arudie tukio alilofanya dhidi ya Taylor Swift, alipovamia jukwaa mwaka 2009.

Hatahivyo, alipohojiwa kwenye kipindi cha E, baadae alisema aliamua kutabasamu na kukaa chini baada ya kumfikiria binti yake.

 Msanii huyo wa miondoko ya hiphop alisema anaona Beck “angetakiwa kumpa Beyonce tuzo yake”.

"Ninachojua ni kuwa hizi tuzo za Grammys, kama wanataka wasanii wa kweli wawe wanarejea, wanatakiwa kuacha kutuchezea akili. Hatutoendelea kuzinguliwa nao." Alikiambia kipindi cha E, alipohojiwa akiwa na mkewe Kim Kardashian.

MBUNGE AUAWA NA AL-SHABAB SOMALIA

Mbunge mmoja wa Somalia amepigwa risasi na kufa mjini Mogadishu na wapiganaji wa al-Shabab, maafisa walisema.

Abdullahi Qayad Barre aliuawa karibu na kasri ya rais baada wa watu wenye silaha kumfyatulia risasi kwenye gari lake.

Msemaji wa al-Shabab alisema kundi hilo limehusika na shambulio hilo, na litalenga wabunge wengine.

Kifo cha Barre kimetokea huku kukiwa na ulinzi mkali wakati wabunge walipokusanyika kupiga kura ya kuidhinisha baraza jipya la mawaziri au la.

Ni mfululizo wa mauaji dhidi ya wanasiasa nchini humo.

Takriban wabunge watano waliuawa mwaka jana, lakini Barre ni wa kwanza kuuawa mwaka huu 2015.

Chanzo: BBC
Imetafsiriwa na mwandishi wetu                                                                                   

BOB MARLEY 'UTOTONI'

     

Vimbwanga vya WhatsApp

MAMBO 5 YANAYOKWAMISHA BIASHARA

Wafanyabiashara wengi hukumbwa na changamoto nyingi katika uendeshaji wa shughuli zao za biashara. Changamoto hizi ndizo zinaweza pia kuwa utofauti wa biashara zinazokua na zile zinazokufa.

Makala hii inachambua mambo muhimu ambayo huwa ni mzigo mzito kwa wajasiriamali hata kufikia hatua ya kuathiri biashara zao, na pia makala hii inaonyesha baadhi ya njia za kukabiliana na changamoto hizo.

1. Mtaji

Kikwazo hiki hujitokeza katika mitazamo mitatu, kwanza wakati wa kutaka kuanzisha biashara, pili wakati biashara imeshaanza ila fedha hazitoshi kuendesha vema, na tatu pale mfanyabiashara anapokusudia kupanua biashara yake. Ili kukabiliana na kikwazo cha mtaji yafuatayo yanaweza kusaidia:-

Kuanza biashara kidogo kidogo: Hii namaanisha kuwa kufikiria namna ambazo unaweza kuanzisha biashara kwa mtaji mdogo na wakati huo huo ukafanya kwa ufanisi. Hii inaweza kwa kuchunguza kwa umakini gharama zisizo za lazima, mambo ambayo unaweza fanya wewe mwenyewe au kusaidia na watu wengine bila kuajiri, pia chunguza aina ya bidhaa ambazo kweli ni za lazima kuanza nazo. Kutunza taarifa za biashara yako kwa ufasaha na kuwa na muundo bora wa uongozi, hii itakusaidia kuwa kutimiza masharti ya benki, na wadau mbalimbali wa sekta ya fedha ambao wanaweza kukuongezea mtaji.

Zingatia pia kuwa na mali zisizohamishika, na pia kuna na mahusiano mazuri na wadau mbalimbali kwani wao wanaweza kuwa vyanzo vya kukupatia mtaji.

2. Muundo wa biashara

IVORY COAST YASHINDA KOMBE LA AFRIKA 2015

Ivory Coast wameshinda taji la Kombe la Afrika mwaka 2015 kwa mikwaju 9 ya penati Ghana 8

Timu ya soka ya Ivory Coast imenyakuwa taji la Kombe la Afrika la mwaka 2015 kwa kuitandika timu ya Ghana kwa mikwaju ya penati.

Ivory Coast imeshinda kwa mikwaju 9 ya penati huku Ghana ikipata mikwaju 8.

Boubacar Barry, 35, ndiye aliyeibuka kidedea kwa kufunga penati ya mwisho baada ya mlinda mlango wa Ghana Razak Braimah kukosa penati.

Ghana walipata penati nane huku Ivory Coast wakishinda kwa penati tisa

Mlinda mlango mkongwe wa Ivory Boubacar Barry ndiye nyota wa mchezo wa leo.

Mashindano hayo yalikuwa yanafanyika nchini Equatorial Guinea.


Chanzo: taarifa.co.tz

MASHABIKI WA MPIRA WAZUA GHASIA, 14 WAFARIKI

 

Takriban watu 14 wamefariki dunia katika mapambano yaliyozuka baina ya mashabiki wa mpira na polisi nje ya uwanja wa mpira mjini Cairo, chombo cha habari cha taifa cha Misri kimeripoti.

Mashabiki wa klabu ya mpira ya Zamalek walijaribu kuingia uwanjani kutazama mechi bila tiketi, na kuchochea ghasia hizo, maafisa walisema.

Vurugu hizo zilianza kabla ya mechi baina ya pande za Zamalek na ENPPI.

Februari 2012, zaidi ya watu 70 walikufa katika ghasia zilizozuka baada ya mechi huko Port Said.

DEREVA ALIYEFUKUZWA AKUSUDIA KUUA 50

 

Polisi nchini Uganda walisema walimkamata dereva aliyejaribu kuligonga basi kwenye mto ulojaa mamba kwa nia ya kuua abiria 50 waliokuwa kwenye chombo hicho baada ya kufukuzwa kazi.

“Tulipojua kuhusu utekajinyara huo, tuliweka vizuizi  kabla ya  mto huo ..tulimvamia halafu tukamkamata.” Alisema Denis Namuwooza,  mkuu wa polisi katika wilaya ya Kasese kusini-magharibi mwa Uganda.

Dereva huyo, ambaye polisi walisema alifukuzwa kutokana na ulevi, iliripotiwa alikusudia kulirusha basi hilo huko Kazinga, mto ambao aghlabu hujaa viboko, ambao huunganisha maziwa mawili makubwa katika mbuga ya wanyama ya Queen Elizabeth nchini Uganda.

Aliwaambia abiria "atakufa pamoja na wao kwa kulirusha basi Kazinga, “ alisema mmoja aliyenusurika, Dinah Mwagale Mudusu, akizungumza na chombo cha habari cha Uganda.

Chanzo: AFP 
Imetafsiriwa na Mwandishi wetu